( قصه رومنسيه)
فيه عوائل كبيره يربطهم جد وجده وهذيلا عمام وخوال ماخذين بعض عائله كبيره وايضآ يربطهم كشتات وسفريات خارجيه ويصيفون مع بعض وهم اصلآ كل واحد بديره وايام الأجازات يجتمعون عند الجد والجده في بيتهم الكبير وطبعآ ساكن عند الجد الأخ الكبيرومرته وعياله ويصرف عليهم كلهم
اهم شي نتعرف على العوائل الكبيره
الجد والجده ابومحمد وأم محمد
عندهم ٣عيال و٤بنات
ابومنيره الأخ الكبير وماعنده الا بنتين لأن مرته ماصارت تجيب بعد البنتين (منيره١٩_اميره١٥)ابوتركي الأخ الثاني طبعآ تزوج قبل ابومنيره عنده (قماشه٢٣_تركي٢٢_محمد٢٠_احمد١٩_نوير١٥_تهاني١٢_نسرين ٨_يوسف٢)
ابوعلي الأخ الثالث عنده(علي١٨_ورده١٧_زهره١٢_عبدالله١٠_سلمان٨)
الأخت الكبيره ام سالم عندها
(سالم٢٥_حصه٢٣_هديل٢٠_راشد١٩_رهف١٨_امنه١٦_امينه١٣_و ليد٧)
الأخت الثانيه ام فهد(شوق٢١_ فهد١٨_عزوز١٣_شهد٥ )
الأخت الثالثه ام خالد
(خالد١٩_صالح١٦_فجر١١)
الأخت الأخيره ام نوره
(نوره ٣سنين)
وهذي عايلتهم كماقلت كل عايله بديره٠٠٠٠٠٠٠٠٠٠٠٠٠٠
ايام امتحانات الفصل الدراسي الأول بيت الجد والجده ابومحمد قاعد عند ام محمد
الجد: جيبي القهوه يامنيره
منيره: يوه ياجدي انا علي امتحانات خل حكيمه تجيبلك القهوه
الجد: الحين اللي بيذاكر يقابل التلفزيون٢٤ساعه انا ابعلم ابوج عليج
منيره: لاياجدي تكفى اناذاكرت الخميس ابشوف من يطلع من ستار اكاديمي وقامت مسرعه حبت خشمه وجابتله قهوه وقعدت
الجد: وش هذا استاره الله يعين سالم عليج يابنيتي
منيره: يوه ياجدي حنا ماسكرنا هالموضوع سالم ماأبيه عمره كبير علي
الجد: بس هو يبيج يامنيره شاريج هو
منيره طلعت: جدي خلاص ابروح اذاكر
الجده: ذاكري عدل شوفي اختج اميره مشاالله عليها شاطره وذكيه
ابومنيره توه داش عليهم: شنهو هالجه يايبه لايكون انت وامي تناجرون
الجد: لانجره ولاشي
ابومنيره: يبه توني جيت من الربع يمدحون ديرتن اهنيا يقولون فيها ربيع وفقع ومقناص زين خلنا حنا واخواني وخواتي اندورلنا امراحن عند الربيع ونستانس بعد الأختبارات
الجد: والله ماعندي مانع بس قل لاخوانك يمكن عندهم شغل
منيره كانت واقفه عند الدرج يوم اسمعت ابوها استانست طارت من الفرحه
وراحت تركض لختها أميره أميره أميره وأميره فزت من مكانها ماسكه كتابها وش فيه يامنيره فيج شي
منيره: لا بس عمامي بيجون بالعطله هذي وناااااسه
اميره: تافهه حسبالي عندج سالفه
منيره: ابشوف تركي
أميره: انتي ماتركتي خرابيطج انتي ماخذه سالم ماخذته لاتفكرين بتركي تركي يحب شوق
منيره: يالله عاد ولي انتي وشوق والله لأخليه يحبني ويموت فيني
أميره: اهم شي من طلع لايكون هشومي طلع يارب طلع كاتيا وبشار مع بعض
منيره: والله انج تافهه تحب واحد مادرى عنها
أميره: كلنا في الهوى سوا يامنيره
منيره سكرت الباب بقوه وراحت تكتب اشعار وقصايد وتنقل من المجلات وتكتبه بالدفتر احمر علشان تاخذه للبر وتحطه بسيارة تركي ويدري عن حبها
وكتبت:
اكبر قهر لاضاع عمرك ورى انسان تبي غلاه هو يبي شخص ثانيtm
ونزلت تحت هي وأميره وسمعت ابوها يتكلم عن سالم وانه مايقدر يغصب منيره وأجل الموضوع
منيره فرحت بس بقلبها تقول ماأبيه ياربي مااشتهيه تركي ولد عمي من لحمي ودمي وش ابي بسالم الشايب عمره 25والله كبير علي
ابومنيره شاف بناته ادخلو: هاه يابناتي متى تعطلون
منيره :ليش بعد فيه شي
ابومنيره: ايه بنطلع للبر مع عمامج
أميره: هياه وناااسه
منيره: كلنا نعطل يوم الأربعاء كل بنات عماتي
ابومنيره: انا اسئلهم ونطلع ان شاالله بعد استلام النتايج يعني يوم الأثنين الجاي وحنا هناك ان شاالله
منيره: ان شاالله خلاص يبه ذاكرنا بنشوف التلفزيون
ابومنيره: ارفعو راسي شدو حيلكم مو كل واحد يسئلني عنكم اقول بناتي صاقطات
ام منيره: يالله عشاء طفي الزفت اللي تطالعن فيه ماوراكم مذاكره
أميره: يمه مانبي عشاء بنشوف الروبرتاج عن هشام
ام منيره: هشم الله روسكم ترا ابوكم مايدري انكم تطالعون بالزفت هذا لودرى كسر روسكم
منيره: انا مابي عشاء روحي يمه تعشي الحين بينتهي
الأم: لاحول ولاقوة الابالله
مرت الأيام بسرررررررررعه
يوم السبت بعد ماخلصوإمتحاناتهم يالله ترا الليوم بيجون ابوسالم وابوعلي وابونوره تراعندنا غدا
منيره بقلبها: يوه ليه ماجاء تركي الأول
يبه ليه ماجاء عمي ابوتركي؟
الأب : بكره ان شاالله
"بعد قليل"
دق الجرس وجو عمامهم وبعد السلام الحاروبعدالغدا قعدو قعده يشربون الشاي
سلمان8 دخل عليهم قال تغطوا يابنات العيال بيدشون
والبنات انحاشن لغرفة منيره علشان العيال بيسلمون على جدتهم
ام نوره: لاتوايقون يابنات روحو للغرفه اعرف حركاتكم
عيال ابوعلي( علي18وعبدالله10)
عيال ابوسالم( سالم 25راشد19)
وورده١٧ بنت ابوعلي تحب راشد ولد ابوسالم
وتقول ورده لمنيره امانه لاتعلمين خواته حصه٢٣وهديل٢٠ورهف١٨عاد منيره تقول موحلوراشد تركي احلى وورده تقول بسم الله على راشد
ورده: تعالي شوفي راشد وش حلاته لابس كحلي وغتره شوفي الزين بس
منيره: ياحضج ياليت يجي تركي الحين
ورده: احس راشد مايهتم فيني
منيره: انزلي كنج ماتدرين وطالعي فيه وخليه يطالع فيج
ورده: اخاف من عمامي وعلي ولاتنسين عمتي ام نوره تعرف حركاتنا
منيره: امانه علي من يحب
ورده : يحب رهف
منيره: رهف تدري
ورده:لا
أميره دخلت عليهم وش تسوون عند الدرج يالله تعالو نسولف زهقنا من المجلات
أيه صح تو حصه دقت على قماشه٢٣ بنت ابوتركي تقول جايين بالطريق وجايبين معهم عمتي ام فهد وام خالد
منيره: وهي فرحانه ومو فرحانه راكبه معهم شوق ياقهري
ابروح بعد مايطلعون العيال اتعطر واتزين وافتح الباب لتركي علشان يشوفني عدل
ورده: والله بايعتها
منيره: اذا تبينهم يعطونا وجه لازم نسوي كذا
ام منيره من تحت تنادي: يابنات يالله انزلوا سلمن على عمامكم ابوتركي وام فهد وام خالد
منيره تشهق: جووووووو
والبنات يركضون من الدرج الامنيره وورده يطلون من الدريشه
منيره: ياويلي يازين شوفي تركي لابس بنطلون
ورده: شوفي شوفي تركي عطى بنت لابسه عبايه شنطه
منيره: لايكون شوق
ورده: لامو شوق ياغبيه هذي خدامه
منيره: يالله خلنا ننزل
٠٠٠٠٠٠٠٠٠٠٠٠
وانزلوا سلموا على بعض شلونكم وش اخباركم اصواتهم مرتفعه وعاليه
منيره تنصب عند ام تركي تجيب القهوه واميره توزع الحلى وام سالم طول الوقت تأمل منيره
ورده بصوت خفيف: منيره شوفي عمتي تطالع فيج
منيره: انا ابي عمتي ام تركي تطالع فيني طلع العكس
والبنات قاعدات بالجهه الثانيه من المجلس يسولفون منيره تطالع بشوق بتأمل شوق بنت عاديه بس ناااااااعمه حيييل
منيره: شلونج شوق
شوق: الحمدالله انتي شلونج
منيره: نجحتي
شوق: ماطلعت النتيجه
والأم تنادي يالله يابنات امشن نرتب العزبه وخلوا عماتكم وبناتهم يرتاحون
ام فهد توها جايه من الدوانيه: عطينا يامنيره فرش العيال بينامون
منيره فرحانه: خلاص عمه ارتاحي وانا ابودي الفرش اناوحكيمه
ام فهد: على راحتج
منيره تنادي حكيمه واخذت الفرش وترتب الديباجات وتعطرهم وفجأه انفتح الباب طلع بوجها تركي لابس بنطلون ابيض وجاكيت احمر وراد شعره ورا كان طويل يطالع بمنيره ومنيره تطالع فيه وقلبها يدق ويدق ويدق وتحس بحر وصاحت وتركي سكر الباب ومنيره تضحك وانقزت وطالعت الخدامه فيها سنوهذا انتي ليه فرحان
منيره: اقول انطمي وخل نطلع
منيره تركض وتضحك وين ورده والبنات يطالعون فيهم وشوق شاكه بالأمر وقالت ورده تعالي بسرعه فوق وطلعوا فوق يركضون وقالت لورده كل شي
ورده: ياحضج ياليتني بدالك
شلون اسوي مثلك
منيره: انا بعد مايقومون العيال اشيل الفرش تروحين معاي
ورده: يوووه عاد متى يقومون
منيره : ياويلي نوم العوافي
ورده: ياحضج يامنيره ليه ماتعطين سالم وجه
منيره: لاتذكريني وتعكرين مزاجي
ورده: يهبل انا شفته يشبه الشاعر الأمارتي فزاع
منيره: اخذيه انتي
ورده: ياليته يبيني جان على طول وافقت
منيره:سكري الموضوع خلينا ننزل تحت الحين يشكون فينا بنات عماتي
٠٠٠٠٠٠٠٠٠٠٠٠٠٠٠٠٠٠٠٠
الحريم يسولفون عن عرس قماشه٢٣ اخت تركي يقولون بالصيفيه عرسها ان شاالله
قالت ام تركي وان شاالله تركي وراها على طول بس تركي ماقال من يبي بس هو خواته يتمتمون واذا دخلت عليهم اسكتوا انا اقول اظاهر قماشه تعرف من يبي
قماشه: والله مادري عنه هو واللي يبيها هو يقول اللي يبيها عيال عمها معقدين
وفجأه تطالع منيره بشوق وعيونها تغورق تقول ياحضها جعلها تاخذ من عيال عمها يارب
شوق٢١ تغمز (لحصه٢٣وهديل٢٠)هذيلا خوات سالم وراشد وتضحك
منيره راحت للغرفه جدها تبجي : ليه كذا اصدموني
ورده: حنا نقولج من زمان انه يبي شوق بس انتي الله يهداج
ورده بضحك: انتي اخذي سالم وانا راشد ونسكن بيت واحد ونصير حموات
منيره بقهر: اقول ورده اطلعي برا وبقعد بروحي
اطلعت ورده
انسدحت على سرير جدها وقعدت تكتب
ليت لي قلب بليد ولي عيون تنام*كان ماوالله لحقني على نفسي عتب*باقي للعشق في داخله رعشة غرام*توجعه لين يتراخى من الدمع الهدب*
٠٠٠٠٠٠٠٠
ليه احب وانا اشوفك حزين وقلبي الليله بهمه ممتلي*كانها الفرقا طلبتك حاجتين لاتعلمني ولاتكذب علي*
٠٠٠٠٠٠٠٠
الجد: منيره وراج قاعده هنا والبنات برا يرتبون اغراضهم علشان يطلعون بكره
ورده تفتح الباب: منيره تروحين معانا السوق الحريم بيرحون لأبو عشره يشترون اغراض البر وحنا يالبنات بنروح نشري جكيتات وبناطيل امشي معانا تكفين وهمست بإذنها راشد بيودينا بسيارة سالم السوبر
منيره قامت: مالي خلق روحو انتم
ورده: ياغبيه سيارتين عمتي ام تركي بتروح بسيارتهم هي وبناته يمكن يوديها تركي او محمد٢٠ولدها
منيره: تركي خلاص تركي راح
ورده: يامعوده خلنا نطلع جدي بيرتاح
ابكوي نقابي يالله ترا بنروح ماعندج الاالبنات الصغار ومانجي الاالساعه١١
ام منيره: هاه منيره تروحين
منيره بدون نفس: لا
ام منيره: تبين شي
منيره: لا
ام منيره: انتبهي للبيت ولايحوسون الصغار
وطلعو سكرو الباب ومنيره بروحها تطالع بالبنات الصغار
{نويروتهاني ونسرين خوات تركي+زهره اخت ورده+امنه وامينه خوات سالم+شهداخت شوق+فجراخت خالد}
فجأه طق الباب عليهم وفتحت فجر١١وقالت منيره اخوي خالد١٩ يبي قهوه
منيره: خلاص حكيمه جيبي قهوه لصبيان قعدوا
راحت منيره للبلكونه تناضر من فوق على حوش الدوانيه
وتقول مشاالله كبروا عيال عمامي{شافت محمد٢٠واحمد١٩اخوان تركي وعلي١٨وعبدالله١٠وسلمان٨ اخوان ورده وسالم ووليد٧وشافت فهد١٨ وعزوز١٣اخوان شوق وشافت خالد١٩وصالح١٦ااخوان فجر} وضلت تطالع بسالم بتأمل قالت ياحليلك ياسالم بس ماتعطيه اهميه
ونزلت تسولف مع نوير١٥وتهاني١٢خوات تركي
وتنطر الحريم تقول تأخرو
دقايق والحريم دخلوا
ولجه واصوات خرفشة اكياس والحريم يلجن ياحكيمه جيبي دولكة ماي
منيره: هاه وش شريتوا
حصه : بنات اطلعوا فوق بيدخل سالم
شوق: هديل تعالي ابوريج اغراضي فوق
اميره: منيره تعالي فوق
ورده: لامنيره تعالي اقولج سالفه بغرفة جدي مانبي نطلع مع البنات فوق
بغرفة الجد ورده: عندي خبر يفرح ومايفرح
منيره: قولي تعودت
ورده: تركي اخذ كل البنات الا انا وشوق رحنا مع راشد عاد سئلت شوق قلت ليه مارحتي مع تركي قالت استحي هو كله يطالع فيني بالمنظره وتركي يامنيره كل ماوقفنا عند إشاره يطالع ورا
بسيارة راشد يطالع بشوق
منيره: ياخذ هالوجه هو جكيته الأحمر فاقع
ورده: خلينا منه حنا راكبين بسيارة سالم ومعلق على المنظره حرفm
وشوق قالت شوفي ياورده وش حاط سالم هي اللي خلتني انتبه
منيره تصنع الحزن: خلينا من السالفه ووريني وش شريتي
طلعوا منيره وورده فوق وشافو البنات يتقوسون ملابسهم وشافت سلسال طايح فيه حرف tقالت منيره منو حقه هذا
شوق: هذا حقي ياويلي بغى يضيع شكرآ يامنووور
والله يامنيره شفت لج حرفsكنت ابشريه لج
منيره: مشكوره حبيبتي
٠٠٠٠٠٠٠٠٠٠٠٠٠٠٠٠٠٠٠
آذن الفجر:
الجد:يالله ياعيال قوموا يالله صلوا بنمشي بدري قبل الساعه٦
الجده تنادي: ام منيره ام منيره يالله صلحي الريوق علشان نمشي
وقومي البنات
ام نوره مافتحت عيونها: وش هالجه يمه قامت بنتي يوه
الجده: قومي بنات اخيج لجنا البارح ماخلنا انام
والعيال مشاالله عليهم البارح ربطوالخيام فوق سياراتهم ودخلو اغراضناواخوج ابوعلي جاء من المستشفى
ام نوره:ليه وش فيه؟؟
الجده:لا بس امس يحس بدوخه
ام خالد: أيه جاء ابو علي قبل آذان الفجر اهم شي روحي اهجدي البنات
ام نوره شغلت الليتات وتصفق :يالله يابنات قومن صلن ويالله بنطلع للبر وفزوا البنات الصغار
اهم شي بعد عناء طويل قاموا البنات الا منيره مالهاخلق تقوم
ونزلت ام نوره لقت البنات بالمجلس يتريقون وبصاله الجده وخواتها وسالم قالت بصوت عالي وتغمز لسالم كل البنات قاموا الامنيره
سالم: ياعمري نومها ثقيل
والبنات بالمجلس اسمعوا يضحكون
ام تركي: اثقل اشوي ياسالم
ام منيره تنادي: أميره أميره روحي قومي أختج بسرعه البسي عباتج واطلعي فوق لايجي ابوج تراه معصب
أميره طلعت فوق:منيره منيره قومي الناس راحوا الا حنا
منيره: انقلعي انا بردانه حييل سكري الدريشه
أميره: فضحتينا قدام سالم تحت يقول ياعمري نومها ثقيل
فزت منيره: وشووو
أميره: لامافيه شي قومي أيه ليتنا قلنا سالم من قبل وتقول مااحبه
منيره: خلاص قمت شوفي فيه احد تحت
أميره: البسي عباتج وانزلي عادي سالم خطيبج
منيره تخز اميره: اوقفيلي ابروح معج
٠٠٠٠٠٠٠٠٠٠٠٠٠٠٠
اركبوا سياراتهم والبنات واقفات بشارع يختارون سياره٦سيارات كلها جيوب وواحد سوبر وواحدوانيت يشيلون اغراضهم فيه
بعد ماركبوالبنات كلهم مع خالد١٩ يقولون لأنه على نياته
الامنيره قالت ابركب مع ابوي بالوانيت ويطالع فيها سالم من بعيد وقال سالم انا ابمشي ورى خالي ابومنيره
راشد: أيه مو حبن بخالي حبن باللي راكب معه
سالم: أيه اسكت لأعلم من تحب عاد معنا رهف تنقل الخبر بسرعه
راشد: لاخلاص تكفى لاتقول
رهف: أيه عرفت ورده
راشد: اسكتي ياعلي بالشنا علي رهف ورهف مدري وش عليه عاد
رهف: حتى ورده راشد وراشد مدري وش عليه
راشد: هاه عيدي عيدي امانه ورده تحبني هي دايم تناضرفيني نضرة غرور احس انهامغروره اخيرآ اعترفت
تكفى ياسالم شغل أغنية تدري اني موت احبك
سالم:لا نبي فارس مهدي او ميحد حمد حق الطلعات
هديل: ليه ياحضي واللي يسمعك يقول منيره تبادلك نفس الشعور
سالم مصدوم ويعض على شفايفه
٠٠٠٠٠٠٠٠٠٠٠
وقفوا عند المحطه كل السيارات ويشرون ويشرون ويشرون والبنات يشرون بطاريات علشان المسجل وشرطان عراقيه والجسمي وسلمان حميد ونانسي واليسا
والحريم يشترن تريكات واباريق حمام وانتوبكرامه
وهم يمشون طول الطريق ياكلون حب وفستق وبطاط وفطاير وعصير
ابومنيره وقف عند سيارة سالم اللي راكب معهم الجد: هاه يبه هذا المكان زين ابروح اعس واجي
الجد: الله الله بالمكان الزين
منيره: يبه يبه نبي بين ضلعان احسن
الأب دق عليهم :تعالو جاي لقيت محل زين
ويجون السيارات الخمس من بعيد وينزلون ويدقون خيامهم
سالم وابومنيره ومحمد واحمد وراشد بنو بيت الشعر
وخيمة الجده
سالم وابومنيره بنو خيمة ابومنيره
تركي واخوانه بنو خيمتهم وناداهم فهد قال تعالو ساعدوني
تركي: من عيوني
ام خالد: يابنات تعالو ابنو خيمتي
كانو البنات يطالعون من بعيد والعيال رابطين ملابسهم ويتساعدون
يعني خلصو الساعه١ قعدوا هلكانين وضبطوا الليتات حوالين الخيام وعبو دفايات القاز وحطوا كل خيمه عندها قاز
والحريم ضبطوا غدا على كيف كيفهم يعني تغدوا الساعه٣العصر
تغدوا وخلصو راحو يتمشون البنات والخدامات يصلحون القهاوي والحريم يلبسون الصغار ملابس دافيه لأن الظهرحر كلن قط ملابسه
سرى الليل وصارت الساعه٨ والعيال يجمعون الحطب بيشبون نارقريب من بيت الشعر ومجتمعين الحريم عند الرياجيل يشربون حليب زنجبيل وشاي ربيع ويقولون اللغاز ومن يكرر الكلام ٥مرات والبنات بالخيام حوالين الدفايه يحشون خبز وجبن ويشربون شاهي والبنات الصغار يلعبون أونو ويسولفون عن ستاراكاديمي
اللي ماخذ عقول بعض البنات
رهف بهمس: ورده راشد يقول انااموت بورده
ورده شهقت بصوت عاااااالي: كذاااااااااابه
رهف: والله العظيم قاله الليوم الصبح
ورده:مو مصدقه
شوق: ورده تسوين نفسك ماتدرين من زمان حنا ندري عن راشد
ورده تضيع السالفه بهمس: حتى علي يحبك يارهف
رهف منزله راسها: ادري
منيره بقلبها: ياحضكم كل وحده تحقق مناها
قماشه: شوق الى الحين عيال عمك متهاوشين عليك
شوق: أيه انا ماأبيهم بس يقولون عيب البنت تطلع مالها الاولد عمها
حصه: حرام عليهم والله قهر
شوق: هذا اللي حارني
وأبوي يقولهم مالكم دخل في بنتي وهم معاندين
هديل تضيع السالفه: شرايكم نلعب بنت ولد شايب
وكلهم يالله بنلعب
منيره: انا ماراح اللعب
شوق: وأنا بعد
منيره: شوق امشي انتمشى
شوق: لحظه ابلبس بالطوي ولفتي
طلعوا منيره وشوق
منيره: من زمااان مامشيت معج
شوق: حتى انا والله مشتاقه امشي معج
منيره:شوق ابسئلج سؤال
شوق: اسئلي
منيره: انتي تحبين تركي
شوق: ليه تسئلين
منيره: ابريح ضميري احس اني معلقه
شوق: امووت فيه
منيره: متى حسيتي انه يحبك
شوق: هودايم يرسلي رسايل جوال يبادلني النظرات بس انا اتغلى والله ماأعطيه وجه مع اني احبه حب غيرطبيعي
تدرين الحين هو حسباله انا مااحبه
الحين انتي يامنيره ماأحس انك مهتمه بسالم
منيره: هو يحبني بس انا ماأبادله بس استغربت وانا راكبه مع ابوي هو يناظرني نظرة عتب
شوق: حلوه نظرة عتب اي روايه قريتيها منه
منيره:هههههه
وليد ٧يمشي شاف منيره وشوق وقال لمنيره عطيني عصير ومنيره قالت روح عند البنات داخل يعطونك
وليد يبكي رايح صوب بيت الشعر: يمه يمه شوفي منيره وشوق عيو يعطوني عصير
الأم ببيت الشعر: ليه ماعطوك وهم وين
وليد: يمشون بضلمه غبيات
تركي رفع عينه وطالع بسالم غمزله وطلعوا برا يدوجون علشان يشوفون منيره وشوق
تركي: وليد وليد تعال معاي انا ابعطيك عصير
وطلعواقال تركي بصوت خفيف وين شوق
وليد: الغبيات هناك
سالم اخذ وليد ووصله لخيمة البنات ونادى نسرين تعطيه عصير وطلع يكمل مشواره
سالم:تركي ذبحنا البرد اختفوا وين راحو
تركي: خلنا نمشي نلقاهم
منيره وشوق يمشون فجأه قالت شوق :منيره ابروح اجيب قفازاتي(ادسوسي)
منيره: اخلصي لاتخليني بهالبرد بروحي
سمع سالم ان شوق راحت وقال لتركي انا بروح لمنيره خلك واقف
سالم يمشي متجه صوب منيره وتنحنح
منيره تحاول تعرف:منو خلك وراك
سالم: منيره انا......انا سالم
منيره: وش جابك رح لأحد يشوفنا
سالم: وين يشوفونا وحنا ضلام ماحديشوف احد
منيره: وش تبي
سالم : منيره خل نمشي شوي لأن تركي قريب منا
منيره:..........
سالم وهويمشي ومنيره وراه بعدين تساوو بالمشي
سالم: ليه تأخرتي مارديتي علي
منيره:...... انا ابكمل دراستي
سالم: لا اصلآ انتي ماتبيي
منيره بصوت عالي: لأاااا ابيك بعدين سكتت فجأه
سالم يضحك
منيره تبتسم
سالم مسك يد منيره البارده الي ترجف منيره تحاول تسحب يدها بس هو متمسك
سالم: يعني افهم من كلامج انج تحبيني
منيره:......
سالم:انطقي
منيره: فك إيدي
سالم: والله مافكها الين تقولين احبك بصوت عالي ان شاالله يأذن جدي ماراح افكج
منيره: سالم ماأقدر
سالم: كيفج انا مستانس وانا ماسك إيدج بنضل واقفين لين تنطقين
منيره: ا....ح...ب....ك
سالم: ماأسمع انااقول بصوت عالي
منيره: ابقولها وانا مسكره عيني احببببببببببببببببببك
شوق بصوت عالي: منيرررره وين رحتي ضيعت مكانج
سمع سالم هد منيره وراح من ورى الخيام
منيره قلبها يرقع من الخوف
تركي متوجه صوب شوق رايح لسالم بعد مادق عليه سالم وقال الحقني
تركي: ياشوق ذبحتيني عطيني نظره
شوق: منو انت ماشوف شي لايكون فهد ياشين طبعك
تركي: انا واحد مات بحب شوق
شوق اشهقت ودخلت الخيمه
تركي: يضحك بصووت عالي
وراح لسالم ودخلوابيت الشعر
بعد دخول شوق الخيمه متخرعه وسرحانه
دخلت منيره تضحك وينج ياخبله وين رحتي
شوق: انتي اختفيتي
والبنات كلهم يطالعون فيهم قالت ورده ضحكونا معاكم
رهف: اكيد شافوا احد برا
منيره: ماشفنا احد استغفرالله ياربي
امشي ياشوق انكمل وتقوليلي وش صارمعج
ورده قامت امشي رهف معاي نلحقهم
والبنات يوووه خربتو اللعب مالت عليكم
قالت قماشه امشوا يابنات نلعب عظيم ساري
٠٠٠٠٠٠٠٠٠٠٠
سالم وتركي ارجعو للخيام وشافهم راشد وعلي :منين جايين
تركي:رحنا اندخن وجينا
٠٠٠٠٠٠٠
الجد:وين العشاء ياحريم اخلصو علينا
الجده: الليوم على ام منيره وبناتها
الجد: اخلصو علينا
وطلعوا الحريم وبقى الرياجيل الحالهم يقولون قصايد
ام منيره: تنادي بناتها يالله تعالوا ننجب العشاء
قاموا البنات يغرفون العشاء وخلصوا
بعد العشاء
كل واحد قعد بخيمته وناموا
طفو الماطور وهدا الجو وبعد الضجيك نسمع نفس النائمين وبرودة الجو تثلج الصدور

آذن الجد الفجر

وقامو الرياجيل يصلون
والحريم صلوا بعد الرياجيل بعد تدفئة الماء وصوت العصافيرالهادئ
ردو ينامون قامت ام تركي عليها الريوق
قعدت تسوي الريوق جاها تركي يسولف مع أمه بالمطبخ والأم: وخر عني خلني اخلص الريوق
تركي :يمه لقيتيلي وحده مزيونه مسكته
الأم: أيه
تركي بفرح: منو
الأم: هديل
تركي:لا
الأم:اجل من تبي شوق كم مره اقولك البنت مستحيل تاخذها وياما كلمنا ابوها موافق بس عيال عمها
تركي: ماعلي منهم والله ماخذها ماخذها
الأم: خلاص لجيتني ابشتغل انا موفاضيه رح انت الحين مووقته انتكلم عن هالمواضيع
تركي طلع معصب لقى عمته ام فهد قدامه قال ابيج بموضوع
ام فهد: خير انشاالله
تركي: قال السالفه كلها
ام فهد: ابشرياولدي حنا قلنا انها لك بس عيال عمها
تركي: اهم شي انتي موافقه انتي وعمي
ام فهد: خلاص يصير خير
٠٠٠٠٠٠٠٠٠٠٠
يوم تريقوا وخلصوا الحريم والبنات قامو يغسلون روسهم لأنه تعرفون حر الساعه١١
وكل واحديكنس خيمته ويرفعون فرشهم ويقومون الصغار وتركي يصلخ الذبيحه
وخواته عنده يشلوطون الرأس لأن الغدا عند ام تركي وشوق عند خيمتها تفكر بكلام البارح وتناظر دريشة الخيمه وتشوف تركي وهو مشغول
وفتحت شنطتها وطلعت مشط ومشطت شعرها وطلعت كحل وتكحلت وحطت كريم واقي ودخلت عليها حصه هاه وش تسوين شوفي انا والبنات اخذنا سلة قهوه وشاي وحب وحلى بنروح فوق الضلعان وجيبي كاميرتج علشان انصور
شوق: اوكي لاتروحون الاوانا معاكم
حصه : خلاص
وطلعت حصه تنادي نوير قالت نادي خواتج يالله بنطلع
وطلعوا البنات يتمشون يصورون ويتقهون ويلعبون
جت فجر١١ من بعيد تنااااادي يالاه غدا
والبنات مطنشات والأمهات ينادون وجاء احمد١٩بالوانيت راح يجيبهم وهاوشهن وقال ياويلكم من عمي ابومنيره متحلف فيكم اركبن بالبدي وقالت قماشه ابركم قدام وشوق امسكت قماشه قالت امانه ابركم قدام علشان استحي من تركي وانابالبدي
واحمد يقحص فيهن وهن يصايحن بعد ماوصل عند الخيام نزلهن قدام بيت الشعر وطلع ابومنيره :مشاالله عليكم ادوجن وحنا ندور عليكم كن مافيه خيام ورانا كلهاشباب يالاه ادخلن
وتركي يطالع ونادى احمد قال من راكب معك قدام
احمد:شوق وقماشه
تركي: تجذب
احمد: انت ماتشوف بعيونك
تركي: ماصدق
احمد:لاتصدق اهم شي شوق راكبه معي قدام
تركي: ياحضك ليتها تسوي معي كذا

آذن العصر
ابوخالد: وشرايكم نروح نقنص
ابوفهد: بس الحريم بيروحون ايدورون فقع
ابوخالد:واحنا وش علينامن الحريم ياخذهم حدا هالعيال ويوديهم خالد وفهد
خالد: لاانا بروح معكم ابقنص
فهد:حتى انا والله ماداني الحريم اوديهن
ابومنيره:اجل من يوديهم
قال راشدوعلي حنا بنوديهم
وقعدتركي يخزهم
قام تركي وطلع يطالع بخيام الحريم وشاف شوق من بعيد ماسكه اختها شهد٥تمشي
وقال
لامرني طيفك اضمه حيل بإحضاني
شلون لاجيتك وشافتك عيني
بعدين جت شوق صوب بيت الشعر تنادي عزوز من بعيد
تركي: منو ينادي
شوق: لوسمحت ماعليك أمر نادلي عزوز
تركي: من عيوني لوتبيني اصير عزوز صرت
شوق: ....
تركي: لحظه عزووووز اهلك ينادون
عزوز: مالي خلق
تركي بقلبه: مالت عليك وحده تناديه مثل شوق ويقول لا
قوم اختك حرام عليك
عزوز١٣: زين وش تبين
شوق: تعال البس امي تقول قال خلاص ولحقها
جاء وراهم سلمان ٨يركض يقول ابوي صلو والعصربنروح اندور فقع
البنات يتلفتون مستانسات
أميره: سلوم منو يودينا
سلمان: علي وراشد لأن كل الرياجيل ابيقنصون
ورده ورهف يطالعون ابعض مستانسات
الجده: يالله ياحريم لاتأخرنا ترا بتغيب الشمس
الحريم يحوسن والصغار وين نعالنا وين جكيتي
علي تقدم بالفكسار بوجه الخيمه طااااط طااااااط
علي بصوت مرتفع:يالله اركبو
الصغار ورى
نزل يركب الصغار ورى وورده متجها صوب علي
ورده بهمس: ترا ابركب مع راشد واذا رفضت ابخلي رهف تركب مع اخوها
علي بتوسل: لاتكفين كلش ولارهف حبيبتي تركب معي
ورده: الحين عرفت نقطة ضعفك
علي: خلاص روحي
شوفي الحبيب في بيت الشعر يتكشخ وينفش الشعر ويتعطر
ورده: صدق كل هذا علشان منو!!؟
علي: علشاني
يعني من علشانه علشان حكيمه
ورده بغضب تدز علي وتكمل طريقه
كان علي وراشد متفقين اذا ركبوا الأحبه يشغلون اشرطه غزليه وهم ماشين
راشد جاي من بعيد صوب الخيام
وقف
لقى مجموعة بنات عند علي تنحنح كان قريب جماله من اخوه سالم
راشد وهوماشي صوب خيمة الجده: هنيالك ياعلي
علي : ليه انشاالله تراني واقف مثلك
راشد: يعني تسوي نفسك ماتعرف
علي: لا مااعرف
راشد ماعطاه اهتمام وكمل طريقه
راشد بصوت عالي: هيييييه
جده عندج احد
الجده: لاماعندي ادخل
راشد: انتو ماخلصتوا
الجده: والله خالصين بس ميتات القلب ماخلصن
ام نوره:يمه اخذتي علاجج
الجده: أيه اخذته بتذبحيني
راشد: يالله اخلصوا علينا
وطلعوا يركبون نصهم مع راشد ونصهم مع علي طبعآ زحمه بس لاننسى ورده ورهف كل وحده مع............
علي يعدل المنظره على وجه رهف: ويغني_ عمري ماتمنيت شي قد ماتمنيت اشوفك واروي عيني من حلاك وتلمس كفوفي كفوفك
ورهف طبعآ مهي قادره تحط عينها بعينه
زهره: علي سوق بسرعه سبقنا راشد وانت تغني حسبالك صوتك حلو
علي يطالع بالمنظره: ياحبيبتي السرعه مهي زينه حنا اذا صارفينا شي ماراح ينفعنا الفقع
ام خالد: مشاالله شوفو الناس وش كثرهم يلقطون ماخلو شي
ام علي: اي والله ماخلو شي
راشد مشغل شريط شعر:
يقول الشاعر: احبك ليه؟
لاتسأل..!! ولكن اسأل الأقدار انا مثلك ترى مدري اناوشلون حبيتك.. هويتك من وسط ماضي ومستقبل وناس إكثار صبرت وزاد حبي لك ولا في يوم مليتك...
سكر راشد المسجل
راشد: جده مدري ليه احس الشاعر هذا صادق في احاسيسه نحو حبيبته بس مدري حبيبته تدري ولا لا
الجده: انت وش عليك منهم
راشد: بس مدري احس ودي اجمعهم على بعض
ام سالم: مشاالله عليك ياولدي ياراشد فاضي لهالقصايد
ورده تضحك فهمت قصده
راشد: اجل وش تبين يمه اغاني ابشري وراح افسر هالغنيه والله يعينكم
شغل اغنية نوال الكويتيه ويطالع بالمنظره شاف خشت اخته هديل
وحول المنظره على ورده وكان لابس نضارات علشان محد يشوفه
هذا حبيبي وهذا اللي تمنيته
مغيره احد ملى قلبي ولاعيني
وهذا الذي بين كل الناس حبيته
اغليه وادري كثر ماغليه يغليني
راشد سكر المسجل : هذا طبعآ
هديل: سوق وانت ساكت
الجده: والله اللي بيمشي معك انت وعلي مانا واصلين
وقف وقف
راشد: ودنا نطول شوي
الجده: ليه
راشد : محتاج اسولف معاك
الجده: بعدين نسولف
وقف وقف
وقف راشد ودق على علي :اظاهر انك استانست وقف تقول جدتي
علي: والله لو الود ودي وصلت لديره
وقف علي
وانزلوا الحريم ايدورون وكل وحده معها كيس وحديده
وعلي وراشد ايتمشون والبنات ايتضاحكون ويسولفون
الجده: ليه ماتدورون عيونكم وش كبرها
جايات يلعبن
ورده راكبه سيارة علي ورا قاعده رهف
ورده: اظاهرعاجبك الوضع
رهف : اسكتي عاجبني وبس الا ابموت من الوناسه
ورده: انزلي خلينا انتمشى
٠٠٠٠٠٠٠٠٠٠٠٠٠
غربت الشمس وحسوا بالبروده
علي: يالله اركبو اركبو
راشد: اركبوا
وروحوا لمراحهم
٠٠٠٠٠٠٠٠٠٠٠
الجده: لااله الاالله
امسينا وامسى الملك لله
اعوذبكلمات الله التامه من شرماخلق
تركي: ياهلا ويامرحبا نورت خيامنا
الحين ابشغل الماطور
هاه جمعتوا شي
الجده: اي والله خير
تركي: اجل قماشه تسوي عشانا فقع
قماشه: ابشر ياخوي
تركي بهمس: كم جمعت شوق
قماشه: على عدد حروف اسمك
تركي بفرح : صحيح يعني تحبني
قماشه: أيه تحبك بس مستحيه تقول
٠٠٠٠٠٠٠٠٠٠٠٠٠
ام تركي: تعالن يابنات اخذن الحليب ودوه بخيمة جدتج
تهاني: زين يمه
ام تركي: يالله اطلعن من المطبخ
الحريم والبنات كلهم بخيمة الجده
وجاء احمد هيييه عمامي بيجون تغطوا
منيره: احمد كلهم
احمد: اكيد
ام منيره: يالله اطلعن العيال بيجون
منيره: يمه تكفين والله متغطيات
الجده:خليهن يقعدن
العيال ادخلوا كلهم ولجه وضحك ووناسه ويشربون حليب بزنجبيل وريحة دخنة حطب وسالم يهف ابثوبه على النار ومبتسم ويطالع من جهت البنات
الجد: اقصدوا ياعيال
سالم: ليه ماتقصد ياجدي
الجد: ماشبعتوا قصيد من الليوم وانا اقصد عند روسكم
الحين انتو اقصدوا
سالم : قلنا حدا هالقصص عن الأوليين
الجد:الله يهديكم احفظو هالسوالف
الجد كان على مركا بعدين تعدل بالقعده
هذا رجال من حدا هالقبايل مسافرمع زوجته الحامل قرب حايل وفي مرورهم بين الضلعان جاء الحرمه المخاض وولدت وليد الاأنها توفت من الولاده وأخذ رجالها جثتها في كهف صغير وحط حولها حجر واخذ الولد وقربه من ديس امه اليسرى وحط فمه عليه ولف ذراع امه اليسرى حوله وركب بعيره ورحل
وبعد ٩شهور مرو مجموعه من نفس القبيله الكهف لأنهم يعرفون قصة الورع يوم دخلو شافو جرة رجل ورع خافوا وانحاشوا وخبروا ابوالورع
الليوم الثاني راح ابوالورع للكهف وطالع داخل وشاف ورعن يثرثر ابجنب امه وكانت الجثه رايحه الا العين اليسرى والديس الأيسر واليداليسرى
وحمدربه ودفن الحرمه واخذ ولده وسماه{خلوي} وصار اكبرمحارب في قبيلته
الحريم: سبحان الله
الجد: والحين اقصد ياتركي
البنات متحمسات
تركي: الحين مالقيتوا الاانا
كان مقابل شوق وتعدل في قعدته ولف قبوعه الورا ويحرث النار
احبك والوله فيني يبان بنظرة عيوني
احبك يانظرعيني وانالك عاشق ولهان
انايامن سكن قلبي بحبك صرت مجنوني
الاياليل تسقيني من اشواق الوله عطشان
كلامك رقتك طيبتك وضحكاتك ينسوني
همومه عايشه فيني تعذب قلبي الحيران
ادور فرحة ايامي معك يافرحة شجوني
اناودي اعيش الحب معك يابلسم الأحزان
ترابعدك يعذبني يزودفيني طعوني
اناموناقص فراقك بدونك عايش بحرمان
وسلامتكم
شوق بصوت خفيف:صح لسانك
ام نوره: تطيرعيونها بشوق
تركي: صح بدنك
ابوتركي:احد قال صح لسانك
تركي: أيه انا جني سمعت
الجميع:هاهاهاهاها
الجده: هذي وحده يقال لها مزنه المطروديه بنت من المطاريد وحده من القبايل الكريمه في مدينة عنيزه
بعض الحراميه سرقوا غنمهم من مزرعة ابوها منصورالمطرودي كان منشغل في الصلاه ومزنه تنكرت بلبس ثياب ابوها وحملت السلاح واخذت فرس ابوها وراحت تطارد الحراميه لين ردوا ماخذوا من الغنم ولمادرى الأميرعبدالله بن جلوي عن هالقصه قام خطبها من ابوها وتزوجها وجاله منها ولد
ام نوره: يمه توني ادري ان عبدالله بن جلوي تزوج المطروديه
خالد: خالتي تسوي نفسها تعرف الأمير
ام نوره: لا مخليه العرف لك
سالم: هيه عندي
يابعدحبي ياكل المعاني
¤عن وصف مابي اعجزته لساني¤ الشعر يوريك الهام القصيده ¤والمشاعر حايره مني تعاني¤ بي الف احساس ماأعرف مصيره ¤انتضرحكمك ياحاكم وجاني¤سحرك الفتان به أنا اسيره¤بالوصف مايشبهك يازين ثاني¤بك مهابه فاتن ماالقى نظيره¤بك فطانه تجتلي فيهاالمعاني¤
ابوعلي:صح لسانك
علي ليه ماتقصد
علي: انامقصد انااغني
ابوعلي: استغفرالله
طولت السوالف وكانو يبونها ازود واطول

ام تركي: يالله ياعيال العشاء بيت الشعر
ابوتركي: يالله ياعيال الحريم بيتعشن
٠٠٠٠٠٠٠٠٠٠٠٠٠
الحريم بعد العشاء الشاهي فوق النار ويحترن
الجده تنادي: تهاني دوري لي عوداسنان
ام فهد:يمه اناجايبه عيدان لاتنفشين الأرض
الجده: جزاج الله خير
كثرالله خيرج ياأم تركي
ام تركي: عافيه
الجده: من عليه بكره من حريم عيالي
ام علي: انا ياعمه
الجده: شدي حيلك بكره بيجون ضيوف
ام نوره: من هم يمه
الجده: جيرانا القريب اللي ورى الضلع وانا رايحه الليوم اتمشى صادفت امهم وعزمته على الغدا
ام علي: ابشري
البنات: جده بكره العصر اندور فقع
الجده: انشاالله بس البنات الكبار مايروحن بس زاحمنا على الفاضي لايدورن ولاشي
حصه: اي والله ابنقعد ياجده
فجأه اسمعوا صياح
وليد٧ماسك رجله: اأإه اه اه امم اهه اهاااا
ام سالم: شفيك ياولدي
وليد: آه
وطاح مغشي عليه
البنات يصايحن والحريم
والعيال اتجهو نحوالخيمه ودخلوا بسرعه
وش فيه وش فيه
مسكو رجله
سلمان٨: اناوياه نلعب كره وقرصه شي
ام سالم: يوووه مات ولدي مات والله ميت الله يرحمك ياوليد
البنات يصايحن
سالم:بس يايمه مافيه الا العافيه هديه اباخذه
الجده: قطعتوا عليه النفس
وخروا عنه
حصه تصايح ياويل عليك ياخوي
هديل ورهف يبجون
امنه وامينه ماسكات امهم ويبجون
راشد يطالع ومنصدم خلاص بيموت وهذيلاواقفين ماسوو شي
سالم بعصبيه: وخرو هناوشاله وداه لبيت الشعر
ابوخالد: ربط رجل الولد ومص السم وتفل ومص السم وتفل
جيبو عطر ولا بصل
الورع ماصحى
حصه ورا بيت الشعر: صاحت وش فيه
البنات تسمعون صياحهن
منيره تركض وراحت بعيد علشان ماتسمع شي وعندها قماشه
هديل تراعد وماسكتها شوق
حصه ماسكه امنه وامينه
راشد ماسك رهف عند طرف الخيمه :شوفي مافيه شي الحين يقوم انشاالله
رهف الشيله على وجهها:وتركض عند وليد وأمها وطاحت الشيله
علي انبهرشعراسووود وعيون ذبلانه: لاحول ولاقوة الابالله
ام سالم ترش عليه ماي:وليد وليد
وليد يتحرك ببطئ
ام سالم: تسمعني
وليد: آه يايمه رجلي تعورني
رهف تضم وليد
علي: ليتني بداله
وقال بقلبه والله فاضي
راشد ينقز وطلع برا صحى صحى صحى
البنات كلهم طلوا قطن الحيا
والرياجيل انبهرت عيونهم لبرا
الجده: الحمدالله على السلامه
وليد:........
الجده: هذا اللي مايلبس نعال ياولدي
ام سالم: تلف على رجل ولدها وتاخذه داخل
البنات عيونهن حمر وخشومهن حمر
الجده: يالله مافيه سهر نوم نوم
٠٠٠٠٠٠٠٠ ٠
بعد مادخلوا خيامهم وعم الهدوء
منيره وأميره بخيمتهم
أميره بصوت خفيف:منيره منيره نمتي
منيره: لا
اميره: اناخايفه انتي على الأقل تفكرين بسالم
منيره: وين انا ووين التفكير بسالم
أميره: منيره الليوم النومنيه الليوم الأثنين
منيره: استغفرالله ياربي
أميره: انا ابطلع
منيره: وين تطلعين انا ابرسل مسج للبنات نطلع لخيمة المطبخ نسولف ونتكلم عن مواقف الليوم ونضحك
ارسلت منيره رساله للبنات وتنطر هي وأميره
نزلت تلفونها وقعدت تسولف
طاط طاط طاط
أميره تضحك: وش هالنغمه
منيره: انطمي امي نايمه
هذي نغمة الليل
فتحت منيره تلفونها وشهقت وقعدت
أميره: وش فيك وجع
منيره ببتسامه: لامافيه شي
وتعيد وتقرا
<< حبي نايمه...؟؟
اسف مو من حقي اسئل هالسؤال....
بس ضايق خلقي قلت اسئل قلبي يسهرمعي ولايتركني بروحي>>
وحيد وجالس بروحي وغيرك مايسلني
٠٠سالم٠٠
٠٠٠٠٠٠٠٠٠
طاط طاط طاط طاط
أميره: حطي صامت
منيره: البنات يقولون سبقناكم بالمطبخ
أميره: يالله قومي وسكري على امي الخيمه
منيره: لحظه انا ابروح معاج
أميره: لا انا بروح
منيره تكتب لسالم: والله محتاجه اسهرمعك بس الضروف ابعدتنا
منيره طلعت وتسكر على امها الخيمه
وتمشي صوب المطبخ
طاط طاط طاط
منيره وقفت قبل تدخل المطبخ تقرا: طالعي وراج
منيره لفت بسرعه وراها: شافت ملاك واقف ببتسامه
سالم: شرايج
منيره فجأه البست شيلتها
سالم انحنى لأنه طويل ومسك يد منيره البارده: ليه تستحين
انتي خلاص صرتي ملكي فكي الشيله
مسك يدها ويمشون ورا الخيام
وساكتين طول الطريق
سالم: شرايج نقعد
منيره: براحتك
سالم ألى الآن ماسك يد منيره قعد وقرب منها حيل منيره تبعد وهويقرب: منيره احبج موووووووووووووووت
منيره تضحك: خلاص عاد
سالم وهو يقرب:احبج مووووت
منيره تبعد
سالم يقرب اكثثثر: شفيج تبعدين وانا اقرب اخرشي بنوصل الخيام
منيره تبعد شوي بعدين زهقت وضلت مكانها
سالم: احبج مووت
منيره منزله راسها:........
سالم: وش تعني لج هالكلمه
منيره: أي كلمه
سالم بصوت مرتفع:احبج موووت ابي العالم كلها تدري
منيره: قصرحسك لاحديسمعنا
سالم: خلهم يسمعون اقول انا وخطيبتي عندكم شي
منيره: سالم ابروح اخاف يشغلون الماطور البنات وراح يشوفونا اناوياك قاعدين
سالم: لاماراح يشغلون
عاد لو البنات شغلوا الماطور تشوفين كل وحده مع واحد
عاد جدي وجدتي يسولفون ورا خيمتهم
منيره تضحك: حرام عليك
سالم: ياحلات البر تطلعين معاي محد دري
بينما هم يسولفون وقريبين من بعض حست منيره بشي يمشي ورا ضهرها وصاحت وطاحت على صدر سالم
سالم: وش هذا والله انه داب
منيره ضامه سالم: تكفى وخره عني
سالم يضحك: مافيه شي اضحك انا
منيره: انا على طول طحت عليك والله ماستحي
سالم: عادي بعدين تعودين
منيره وهي واقفه: خلاص تبي شي
سالم: أيه
منيره: وش تبي عيوني لك
سالم: ابي بوسه
منيره بحياء: نعععععم
وراحت تركض
سالم: صبر ابوصلج
سالم لحقها وحط ايده ورا ضهرها وكملوا طريقهم
وصلها عند باب المطبخ
سالم: تبين شي
منيره: لاسلامتك
سالم:ماتبين....
منيره : لا روح
جاء صوت غريب من بعيد
منيره دخلت بسرعه
ابومنيره: سالم وش موقفك هنا
سالم: لا انطر الماي
ابومنيره: ماعندناماي في البيت
سالم: لا هنا ماي صحه احسن واصح
ابومنيره:يالله تصبحون على خير
سالم:وانت من اهله
راح ابومنيره وسالم
سالم انسدح على فراشه وحس بفرح
تركي:وش عندك
سالم:مافيه شي
سالم دز رساله لمنيره
الحمدالله ماكشفنا خالي
كان التلفون مع شوق بالمطبخ
شوق:افتح المسج
منيره:لاياويلج
منيره سحبت التلفون منها وقرتها ودزت عليه الحمدالله على كل حال بس انت اهم شي تغط عدل
شوق: منيره اسئليه وين تركي
منيره: سالم وين تركي فيه وحده هنا ازعجتنا
سالم: تركي عندي هنا صجني
تركي:اسئلها من اللي يسأل عني
سالم ارسل لها سؤال تركي
منيره: بعد منو شوق
تركي بعد ماجته الرساله يغني:ياعذابي
قام تركي طلع برا
وراح للمطبخ
تركي:شوق شوق
البنات ساكتات
تركي: اوف اوف آسف قصدي نسرين
قماشه:نسرين نايمه
تركي: طيب جيبيلي ماي
وقفت شوق وصبت الماء وعطت قماشه
قماشه:هذى من إيدين شوق
تركي: هاه اجل ابشرب الماء واكل القلاص بعد
قماشه: على راحتك
تركي: انا احببببببببببج ياقماشه
قماشه: اناولاشوق
تركي:اضنج انتي تعرفين
قماشه: روح روح نام
تركي: اكيد ثقلت على الحبايب
شوق بقلبها: تكفى لاتروح
قماشه: اقول مع السلامه
٠٠٠٠٠٠٠٠٠٠٠٠
الليوم الثالث لهم فالبر
ام علي يالله ياورده قومي ساعديني الناس قاموا الا انتي قومي الشمس اطلعت
زهره زهره قومن اووف صدق بناتي ميتات
ام علي: علي قوم خواتك
علي: انتي روحي لخيمة المطبخ وتلقينهم وراج
ام علي: عجل علي
علي ايمثل: راشد تفضل الخيمه خيمتك
ورده منصدمه وشهقت صوت عالي
علي: ماينفع معج الاكذا
روحي لمي ابروحها
ورده: اووف
علي: زهره زهره قومي بشارالقيسي يبيج برا
زهره فتحت اعيونهاوطالعت فيه
علي :قومي كل البنات برا ينطرونج
زهره: خلاص روح انشالله اقوم
علي: يالله الحقي امي

بخيمة الجده يتريقون الحريم وكل وحده تأكل ولدها
ام فهد وقفت تطالع من بعيد شافت النياق كل شوي يقربن
ام فهد: ياحليلهن
الصغار كلهم يركضون ويحذفونهم
ام نوره تصايح : وخروا عنها الحين تاكلكم
الجده: خليهم يلعبون ماتسوي شي حنا من اول نلعب ماتقربنا ولاتجينا
ام فهد: جيبي الكامرا ياشوق
شوق: يوووه بخيمته خالتي ام تركي
ام فهد: روحي جيبيها
شوق : انشالله
ام سالم: شوق اخذي الصينيه عطيها قماشه تعطي وليد ريوقه
شوق: خلاص
شوق تمشي معها الصينيه تمر من تحت حبال الخيام الين وصلت لخيمة بنات خالها ويوم وصلت عند الباب ويطلع تركي بسرعه من خيمتهم ويتصادمون وتطير الصينيه وينكت الريوق
تركي متفاجئ ومصدوم ببتسامه: أووووه آسف آسف أيام سوري
شوق شهقت وتطالع بعيونه:
لأول مره احط عيني بعينك
تركي وهو يجمع الأغراض: وش قلتي
شوق كانت قاعده ووقفت ونزلت راسها: لامافيه شي كلمه طلعت عفويه
تركي وقف معها: لاحطي عينج بعيني انا بعد ابيها اول مره مثلج
تركي يالا حطي عينج بعيني
شوق: ماقدر خلاص
تركي: خلاص ارفعي راسك بتنكسر ارقبج وانتي تطالعين تحت حيل
شوق: استحي
تركي: ليه تستحين مني
انا اخليج جريئه مثل منيره
الليله الساعه٨ القاج عند الساعه الكبيره
حشا جاك وروز وهو يضحك القاج عند الوايت
شوق بحيا: خلاص
قماشه تسمع: وشو الوايت
شوق راحت
تركي: حنا نعدد الألوان بالأنجليزي وقلت شمعنى اللون الأبيض قالت وايت
قماشه: وش هذا ليه الريوق نصه منكت
تركي: يالا شيليه
قماشه: والله ناس تكت وناس تشيل
تركي راح
الحريم يرتبون لأن بتجيهم جارتهم ويخمون خيامهم
وبنات ام علي يصلحون قهوه وشاي
وجايبين عود يبخرون خيامهم
والبنات الصغار مثل اميره وزهره ونسرين وتهاني ونويروامنه وامينه
جالسات برا الخيام يسولفون سوالف هالبنات اكيد عن الفنانين واللاعبين او ستاراكاديمي
اميره :يوه الليوم يعلنون النومنيه
زهره: ليت عندنا تلفزيون
نوير: غيرن السالفه الحين احد يسمعنا يضحك علينا يقول ماكبرن

وصلت جارتهم معهابنتها اطياف٢٢ وولدهابدر٢٦
البنات الصغار كانو برا شافو الجاره جايه من بعيد
تهاني ونسرين يركضون ام بدر جت ام بدر جت
وباقي البنات يطالعن
بدر يطالع فيهم من بعيد
اميره تشهق: شوفيه ياحلاته يشبه ياسرالقحطاني
بدر ماعطاهن وجه وكمل طريقه
زهره: لاوالله مايشبه ياسر

في خيمة الجده
الجده: ياهلاويامرحبا اسفرت وانورت الله حيها
ام بدر: الله يحيج شلونكم
الجده: اقعدي
ام بدر بتعب: الله يقلع الروماتيز
بعد قعدة ام بدر
الجده: اي والله الله يقلعه كسر رجلين الشيبان
ام علي تدخل وهي وبناتها :
السلام عليكم
ام بدر تبي تقوم
ام علي: لالا تقومين
وسلمت عليهاوهي قاعده
قعدن يسولفن عن علوم البر والمعزا والفقع
وتعرفون الحريم وسوالفهن

دخلت أميره تضحك
منيره:وش فيك
أميره بهمس: سالم طاح
منيره تشهق: ياويلي شفيه قلبي وتضحكين بعد
أميره: طاح من حبال الخيام
منيره: اركدي الحريم يطالعون
منيره ترسل لسالم مسج
" قلبي"
سلامات عسى ماتعورت من الطيحه
بعد فتره
طاط طاط طاط
كلن يلتفت على منيره
(هب ياهذيلا فالبر وماطاحت ابراج تلفوناتهم)
منيره فتحت المسج
حياتي
بسم الله من اللي نقل الخبر
منيره تبتسم
وارسلت
قلبي اللي معك نقل الخبر بإسرع وقت
علشان انت تعرف حبي لك وش كبره

دخلن بنات ام علي معهم سماطات ويساعدونهم البنات
ويحطون صحن عندام بدر وصحن عند البنات
ويتغدون ويعينون من الله خير
ويطري على أميره سالفه بالغدا
أميره: بنات شفتوا بدر ولدها مزيووووون يشبه ياسر
حصه: استحي ياأميره تراج كبرتي ولاتسمعنا المره
أميره: اناماقلت شي غلط انا اقول شوفوه قبل لاتطوفكم الفرصه
منيره: مافيه احلى من سالم
شوق: اناماراح اروح
هديل: امانه اميره خلينا نشوفه
زهره: والله ياهديل تطيحين غشيانه
هديل: لهدرجه
زهره: واكثر

اطياف٢٢ كانت متميزه بالجمال كانو البنات فاتحين فميهم يطالعونها
قماشه واطياف تأقلموا على بعض وسوالف وضحك
وكانت ماتغطى
ومنيره طول الوقت تخز فيها غيره
ام بدر:مع السلامه
الجده: تو الناس
ام بدر:والله مستعجلين بعد يمكن نرد لديره بعد

وطلعوا العيال من بيت الشعر يطالعون بدر هو يتمغط وينطر اهله
العيال يغارون من بدر

طلعت ام بدر وبنتها يمشون والوفد وراهم < الجده واللي معها>
والبنات بالخيمه يطالعن
هديل: حسافه ماشفته
منيره: شوفو فهد شلون يخز اطيافوه
شوق: لاحرام عليج موفهد هذا
فهد موطويل هذا سالم
منيره تطق شوق
أميره: هديل تعالي شوفي بدر
البنات كلهن يشهقن من جمال بدر

تركي: يالا تبون تدورن فقع
يالا مشينا
الجده: لحظه بنصلي العصر
تركي: يالا انا ناطركم
الجده: اللي يروح الحريم والبنات يقعدن
ام نوره: من تمسك بنتي واعطيها هديه
زهره: اناااااا
ام نوره: تسلمين ياقلبي امانه لبسيها اذا اغربت الشمس
زهره: الله الله بالهديه

ام فهد: شوق انتبهي على شهد
شوق: خلاص يمه اخذو عزوز معكم

بعد لحظات
تركي: يالا اركبوا
الجده ونص الحريم اركبوا وتركي واقف :
شوفو اخرشي الساعه ٦ زين
الحريم: ليه الساعه٦
تركي: لأن الساعه٨ عندي شغل كبييير
شوق تسمع بالخيمه يرقع قلبها من الخوف الله يستر شنوالشغل هذا
تركي: عجلن علي
ليه البنات مورايحين؟؟
ام نوره: بس زحمه على الفاضي امي اطردتهن

ركبوا الحريم وراحن بحفظ الله وتركي يفكرطول الوقت وش يقول لشوق

البنات بالخيام ياكلن حب وبساكيت وبطاط وببسي
وضحك ووناسه

بنات ام علي قالوا للخدامات يسوون قهوه وشاي وحليب بالزنجبيل

آذن المغرب
جو الرياجيل من عربن بجنبهم
وصلو والأمام الجد
جو الحريم بعدماصلو هناك وتقهوو واستانسوا
خالد: هيه وين القهوه
فجر: الحين بيجبونها
خالد: عجلن

فجر: ورده جدي يبي القهوه
ورده: خلاص ابخلي الخدامات يجبونها
فجر: خالد واقف برا

اجتمعوا الحريم في بيت الشعر وتقهوو
ابوخالد: حنا بنمشي بكره انشالله اناوعايلتي
الجد: وش معجلك
ابوخالد: والله دوامي بيبدا بعدبكره
ابوفهد: وانا يمكن اروح
تركي يشهق: ليه!!!....؟؟
كلهم يطالعون تركي بستغراب
تركي: لااقصد خلونا نستانس شوي بعدين نمشي مع بعض
ابوفهد يضحك: لا لأن عندي فحوصات وتحاليل تبدأ يوم السبت
تركي بحزن: الله يسترعليكم
ام فهد: غيرالموعد يابوفهد
ابوفهد: وين اغيره انا دايم اغير مليت عاد ابخلص
خالد بحزن: وحنا نمشي يبه بعد يوووه
الجد: حتى حنا موقاعدين بنلحقكم بعد يوم يومين
الجده: وحنا وش معجلنا اناابقعد عند معزاي
محمد بيلطف الجو: وش كنا انسوي امس بلحظه هذي
فهد: كنا نقصد
محمد: لا
احمد: مدري قل
محمد: كانو يتصايحون يوم وليد انقرص
ام سالم: اعوذ بالله وش طراها عليك
محمد: كذا جت فجأه
احمد: ياغبي وليد انقرص بعد العشاء
محمد: لاوالله
ابوعلي: بعدالعشاء ابودي بنات اخي بيجربعون
الجد: ماتخلي خبالك بس يطيع البنات
ابوعلي: هن طلبني يبه
سالم: انا ابودي العيال

ام نوره: السلام عليكم
< ام نوره كانت تمشى مع زوجها كما تعرفون ان ام نوره وزوجها صغار ونوره عمرها٣سنين>
احمد: وينج ياعمه هاه
ام نوره بتطنيش وماكنها سمعت: يبه حان وقت الأذان
الجد وهويقوم: الله يجزاج خير يابنيتي
احمد: عمه ليه تضيعين السالفه
ام نوره مطنشه: الاوين نوره
احمد: نوره طاحت كانت مع نوير صح
ام نوره: كذاب انهاكانت مع زهره
احمديضحك

ابوسالم: يالاياعيال الصلاه
العيال كلهم قاموا

وبقى الحريم ببيت الشعر
البنات ادخلن: ماعمرنا شفنا بيت الشعر
الجده: روحن الحين بيخلصون
رهف: الله شنوهذا شوق جيبي الكاميرا خلون نصور تراث اجدادي
شوق: لحظه صاروخ واناجايه عندكم
بينما شوق تركض مسكها احد من ورها
شوق تصيح والشخص يسكر فمها ويدزها للخيمه المجاوره ودخل معها وهي تصيح وتبجي وكان متلطم
قال اسكتي
شوق: اناماعرفك منو انت صوتك غريب
يفك اللثمه
......: ماعرفتيني
شوق ببكاء: لا
تركي ولع الولاعه: هاه عرفتيني
شوق تحذف نفسهاعلى تركي: وتبكي ليه كذا غيرت صوتك خرعتني
تركي منصدم وبقلبه يقول ليه سوت كذا يعني ضامنه اصير زوجها يالا اكمل عليها
تركي يضمها
وشوق صحت: انت شنو تسوي خلاص هدني
تركي بعدتركها : الله ياشوق ياليت دايم كذا
شوق: انت ماتقول الساعه٨
تركي: والحين كم الساعه
شوق: ٨وربع
تركي: بس ربع ساعه تأخرت اصلآ ماتأخرت الربع اللي راح هذا كله الفلم الهندي اللي سويناه
شوق: اجل ليه ماصليت
تركي: والله صليت وجيتك ركض
شوق: يالله خلنا نطلع
تركي: لحظه ابشوف احد برا
يوم بغا يطلع ويسمع صوت البنات جايات من بيت الشعر يسولفن متجهات صوب خيمة ام فهد يدورن شوق
رهف: شوق ماجابت الكامرا


تركي: يالله خلينا نطلع
شوق: انت وين ماخذني
تركي: للكازينو
شوق تضحك
تركي: يعني وين بنتمشى

طلع تركي وطلعت وراه شوق
تركي وهويمشي: شوق عطيني يدج
شوق بحياء مدت يدها
تركي مسكهابقوه وسكرعينه ويمشي
شوق: تركي لاتطيح وش تسوي
تركي: احاول ابرمج لمسات ايدج
شوق تضحك
تركي: اوف لاتضحكين اتخدر
شوق تزيد بضحكاتها
تركي: ياويلي ويلاه امسكي قلبي
شوق مصدومه
تركي: حطي ايدج بقلبي
شوق:: لييش سلامات
تركي أخذ يدها وحط إيدها بقلبه
شوق :.....
تركي: شفتي وش كبر قلبي
شوق: كل هذا عشان.....
تركي يقاطعها حبج كله داخل هالقلب
شوق: اجل ماتحبني
تركي: لييه
شوق: قلبك صغير بس كبر هذا حبك لي
تركي: لو على كيفي سويت عمليه ووسعت هالقلب
شوق : بسم لله عليك
تركي بحزن: شوق تدرين تبون تسافرون
شوق: ادري
تركي: وهذا مايعنيلج شي
شوق:......
تركي: ابقعد معج طول الليوم لين يذن الفجر
شوق: لا وعدنا خالي نروح معه
تركي: وانا اهون عليج
شوق: السنه الجايه تكون ملكي ونسهر مع بعض الى مالا نهايه
تركي: الحين الساعه ٩الاربع
شوق: ويعني
تركي:٩ بيحطون عشاهم
شوق: بكره اكمل معك
تركي: يمكن بكره تسافرون
شوق:.....
تركي: لازم نقعد الربع ساعه قعده ماصارت
شوق هذا انا وقعدت خلاص ابعد عن جو الحزن
تركي منزل راسه
شوق فكت الشيله وفكت شعرها وتضحك وتطالع فيه
تركي رفع راسه وانصدم ويقرب ويقرب
تركي: وش هالملاك
شوق منزله راسها
تركي تم يطالعها
شوق: تركي وش احلى شي فيني
تركي: كلج على بعضج
وهم مندمجين بالكلام وشوي جتهم لفحة هوى
وكان تركي لابس بالطو
شوق: يوه برد
تركي وهو يفتح البالطو :تعالي اقعدي بجنبي
شوق تقوم وتقعد بجنبه
وهو حاط يده حول رقبتها وهي حاطه يدها من داخل حول ضهره ونايمه على كتفه
شوق مسكره عيونها: الله ياحلو الدفا
تركي: بس الدفا
شوق: وبعد اللي دفا
طال السكوت
وصوت نداء شوووووق يالا عشاء
شوق فزت: يالا مع السلامه تركي: مو وقته الحين مع السلامه بعد بكره تقولينهالي
شوق: منت رايح معي
تركي: لاابقعد بروحي

ورده: وينج ياشوق
شوق: قريب
ورده: من الليوم وحنا اناديج
شوق: شنو عشاكم
وتعشوا البنات
ابوعلي يصفق: يالا يابنات بس بنروح انجربع
البنات الكبار يحوسون وين عبايتي وين نعالي
ابوعلي: هيه بدون عبي محد معاي وحنا ضلمه يالااركبو
البنات متجهات صوب السياره
الا سالم يشغل سيارة بجنب سيارتهم
منيره تطالع: انت بتودينا
سالم: ياليت
تلقيني ماسوق اطالع ورا بالقمر
منيره بحياء: لاعاد قول
سالم: ابودي العيال غارو منكم
منيره: عاد روحوا بعيد عنا
بعد قليل
رهف: هيه جا خالي

يركضن اركبن السياره
ابوعلي: من اول ماتنزل
هديل: اناااا
ويمشون يدورون جرابيع
البنات بصياح: جربووع جربوع جربوع
هديل تنزل وتحط جكيتها عليه وتمسكه
وشافوا نور من بعيد
العيال مسوين خطه يمشون ورا عمهم طافيه نور سيارتهم واذا انزلت وحده من البنات كبسوا عليها علشان يضحكون على كراعينها
هديل: مسكته مسكته
شوق بخوف: وخريه عني
منيره: دوري
ابوعلي: خليج عندالباب

البنات: جربوع جربوع
نزلت منيره عاد لابسه سروال طويل يضحك شكلها يوم تطرد الجربوع ويكبسون اكثر واكثر
اتصل ابوعلي على سالم
ابوعلي: ليه تكبسون روحوا عنا بعيد
سالم: انتو قريب ماشفناكم
ابوعلي: والسياره اللي بجنبكم ماعرفتها
سالم: خلاص بنبعد

ابوعلي يسرع ورا منيره
منيره تحذف جكيتها وراح
منيره تهف قذلتها: انحاش
ابوعلي: اركبي اركبي
يمشون ويمشون
منيره: عم عم وقف لقيته
ابوعلي يوقف
منيره تلحقه : مسكته مسكته

وكل البنات امسكوا جرابيع
الا شوق تخاف
ابوعلي: يالا ياشوق انزلي
شوق: لا خال اخاف
ابوعلي: ليه راكبه اجل
شوق: بس استانس واعلق
ابوعلي يضحك

وصلو البيت هلكانين وتعبانين وصلو الساعه١
لقو الخيام هاديه
وكل وحده قطت روحها ونامت

قام الجد يأذن
وقامو الرياجيل يصلون
ام سالم: يالايابنات قومو ساعدوني
حصه: تو الناس يمه
ام سالم: اي تو الناس والساعه٧
وطلعوا البنات للخيمه المطبخ يسون الفطور ومعهم منيره تساعدهم
ابوخالد ملبق السياره قدام خيمتهم يشيلون اغراضهم ويفكون خيمتهم
عياله خالد وصالح يساعدون ابوهم وفجرتساعد امها
شالو اغراضهم
ابوخالد: فمان الله ياعيال
ويسلمون على بعض الرياجيل هو عياله
الجد: ماتشوفون شر
ابوخالد: الشرمايجيك
ام خالد تبجي: يالايمه مع السلامه
الجده: مع السلامه
ام خالد تسلم على خواتهاوبنات اخيها وفجرمعها
كلهم واقفين برا يطالعون ابوخالد وهو يمشي ويحركون إيدينهم مع السلامه

ام فهد: الله يسترعليهم
فهد: يمه حنا بكره وراهم
تركي يطالع بفهد

ودشو الخيام يكملون فطورهم
وبنات ام سالم يغسلون اللحم علشان الغدا
منيره: والله ياشوق راح نفقدج
شوق: جعلج ماتفقدين العافيه
منيره: عاد متى بتمشون
شوق: يمكن باجر الصبح
منيره: موحاضره ملكتي بعد البر على طول
شوق: من صجج انتي قايله لاهلك مابي سالم
منيره: هذا اللي مخوفني استحي من ابوي وش اقول
شوق: الله يعين

قماشه بصوت عالي بنااااااات خالي ابومنيره عطاني سويج الوانيت ابسوق من تركب ومن تبي تسوق
منيره تغسل ايدينها: انا انا بعدج ابسوق
شوق: وانا بعد
هديل: وانا بعد

ركبوا كل البنات الوانيت وقماشه تسوق والبنات مشغلات شريط الجسمي ومسرعين
وبعدو شوي عن الخيام
منيره ساقت وقربت من خيام الرياجيل
والعيال يصفقون ويصفرون
وتقحص منيره والبنات في البدي
وساقت شوق وهديل
حصه تنادي يالا غدا
حصه تنطرهم وتسولف لجدتها عن البارح يوم يجربعون واستانسوا حيل

حطو الغدا وتغدوا وشربو شاي الوزه بعد الغدا الدسم
البنات يتمشون
الحريم تسدحن يبن ينامن
الحريم نامو
هديل راحت للمطبخ تسوي لهم فشار
البنات ينطرون هديل
نسرين جابتلهم ببسي من المطبخ وحب
حصه: وين البطاط والبساكيت
نسرين: خلي نوير تروح معي انا تعبت وانتو فوق الضلع
حصه: نوير يالا قومي
وراحو نوير ونسرين
جمعو الأغراض وحطوها بالسله وينطرون هديل
هديل: روحو انا ريضه
راحو البنات الصغار يودن الأغراض
راشد يغني دخل المطبخ
هديل : يمه خرعتني
راشد: الله وش تسوين
هديل: فشار تبون
راشد: وين البنات ماسمع حسهن
هديل: راحن يتمشن وقالولي الحقهم بالفشار
راشد: اقسمي لنا حنا قاعدين هناك عطيه سلمان يجيبه لنا
هديل: اوكي

البنات يوه تأخرت هديل
ورده سرحانه : بقلبها تقول ياليت اناوراشد نلف كل البر بسياره وحده ونتمشى والله احبك احبك
وهي تفكر بضحكة راشد ومشيته
ورده: آه ياقلبي
قماشه: بسم الله شفيج ياورده
ورده: تذكرت شي
شوق: تذكرت.......
ورده تبتسم
منيره: أميره اركضي روحي شوفي هديل تأخرت
أميره: يوووه الحين جايه
منيره: تكفين اركضي

أميره راحت لهديل
مالقت احد بالمطبخ
اميره: بسم الله وين راحت
سالم يمشي ودخل المطبخ لقى اميره ويطالعها ضل واقف يطالعها
اميره منصدمه: وراك
سالم حس بروحه وطلع ولقى هديل تكلم سلمان
سالم: يوه ياهديل أميره تشبه منيره
هديل: وانت وين شفت أميره
سالم : بالمطبخ

هديل راحت للمطبخ
أميره: وينج انتي من الليوم وانا انطر
هديل: رحت اعطي العيال فشار
أميره: ذابحج الكرم
هديل: راشد قالي عطينا فشار
أميره: راشد البطه
هديل: حرام عليج راشد مو بطه
وراحن يمشن ومعهن صحن الفشار

هديل قطت روحها: السلاااام
أميره: يمه يامنيره سالم دخل علي المطبخ يطالع فيني طول
منيره: جذابه
أميره: والله العظيم والله انبهر من جمالي شكله بيغير
هديل: جذابه قالي سالم اميره تشبه منيره
أميره: وهو وين شاف منيره
منيره: يعني مايذكرني يوم انا صغيره

فتحو بباسيهم مع بعض اكلو استانسو امزحو تطنزو
قماشه: خلاص بس شبعت ياويلي خربتو الريجيم وزواجي بعد٣شهور
منيره: ومن سمنج
قماشه: لا الوحده تحافظ على رشاقتها

رجعن الخيام مالقو احد
ورده اول وحده دخلت خيمة الجده ولقت راشد يعبي الدفايه ورفع عينه وطالع بورده وفز من مكانه وورده تطالع فيه وضلو يطالعون ببعض ببتسامه
ونزلت راسها ورده وطلعت
راشد: ياويل قلبي تلته تل وهو على غفله
ورده تسمع وتضحك
ورده: منيره شكلي زين
منيره: ليش
ورده: تو شافني راشد
منيره: لا اللي يحب مايحب الشكل يحب حلا الروح
ورده اوثقت اكثر

رهف: راشد وين الحريم
راشد: اعزمتهم ام بدر
ماشفتي بدر بايعها وقف لين خيمة جدتي ونادى جدتي
رهف بلهفه : صحيح
وتركض وراحت تبشر أميره عن ياسرالقحطاني
راشد: وش فيها المهبوله هذي
البنات قاعدات بخيمة ام سالم
يسولفن وينكتون
أميره دخلت معها الكوره: بنات خلونا نلعب كوره
البنات: يالا
وراحن سون مرمى لفريق حصه ومرمى لفريق قماشه
ويلعبن ويصياح قووول
لا موقوول
فاول ضربة جزاء
<عاد تعرفون بنات يلعبن كوره لازم صجه ولجه>
أميره كانت حارس حصه وكلهم اتجهو نحو مرمى قماشه الا اميره بروحها تطالع
فيهم
فجأه اميره طالعت ورا شافت ورا الضلع بدر يطالع فيها
اميره انصدمت
<أميره ماتعودت على هالحركات>
اميره بقلبها: صح انا اقول حلو بس مو لهدرجه عرف اني انا امدحه
اميره تحاول ترجع لخيام بهروله ثم اسرعت
بدر: حطيتك في بالي ياأميره المزايين
اميره: بعد عارف اسمي
ثم جت هجمه وسجل فريق قماشه على حصه بعد فرحه بالقول فقدو أميره
وين أميره وينها
ورجعن للخيام
دورو اميره لقوها تصيح وتصارخ
منيره: وش فيك ياأميره
أميره تصارخ: مابي اشوف احد
منيره: يمه هبلتيني وش فيك انتي قبل شوي تضحكين ياويلي وش صار فختي
قماشه تضم أميره: بسم الله عليك وتقرا عليها
أميره تصارخ بزود لأنها حساسه حيل: اطلعو ودفعتهم برا
البنات طلعن اللي منصدمه واللي دمعت عيونها
ومنيره تبكي
وتركض صوب خيمة الرياجيل
تبي ابوها
دخلت مالقت احد بس عيال عمامها وعماتها حطت الشيله بوجها وتصيح
سالم وقف بطوله :منيره وش فيك
منيره: تكفى ياسالم الحقنا
اميره مدري وش بلاها
العيال يركضون ورا سالم ومنيره صوب خيمة ام منيره
منيره غطت أميره
سالم دخل شاف أميره بوضع لايحسد عليه أميره تراعد وتصايح
سالم مسك أميره بصوت عالي: اميره وش فيج
اميره يزيد بكاه: سالم خبني وراك ياليت عندي اخو وعندي سند ورى ضهري
سالم: وش فيج
أميره ببكا متقطع: ب...د...ر بدر ولد جيرانا يلحقني من مكان لمكان ويقول حطيتك في بالي
سالم بصوت عالي: اناولد ابوي
قام سالم وطلع وشاف العيال وقال وراي واخذ معه عجره
منيره: انتبه على نفسك
آذن المغرب
راحو لخيام الجيران
بصوت عالي بدر بدر بدر
والحريم تفازعن
وطلعن برا
بدربنعومه: نعم
سالم: وكنك ماسويت شي يالمره ياناعمه
ويندفع سالم بيطقه
بدر يدفه :نعم
ويطيح سالم ويقوم ويمسك ايدين بدرويرصه بعمود الخيمه والله لو جيتنا وأذيت بناتنا والله اني لذبحك واعلقك بعمودكم هذا
يالله ياعيال
الحريم يطالعن
سالم: جده يالله امشن مالكم قعده
الحريم يمشون ورا سالم وش فيك انت مهبول
سالم: مالكم دخل وهذيلا لاشوفكم عندهم ولايجونا
سالم دخل خيمتهم وامه وراه
ام سالم: ليه سويت كذا خربت كل شي
سالم: وش خربت
ام سالم: خطبنا اطياف لك
سالم بقهر: ويش
ومنيره...!!
ام سالم: منيره ماتبيك ياما خطبناه وتطول ماتعطينارد
وهذي وافقت بسرعه شاريتك ياسالم
وبكره سامح اخوها
سالم: من اللي قالكم تخطبونها والله بدال لسامحه لاطا على خشمه وخشم اخته انامابيهم هذيلا ناس مو صاحين ماتعرفينهم يمه على طول قطيتيني عليهم
ام سالم: على راحتك

الجده بالخيمه تسولف
والبنات قاعدات
الجده: ام منيره ماصار لبنتج نصيب وكانت ماتبي سالم وكانت دايم تدعي انها ماتاخذه
ام منيره: الله يكتب اللي فيه الخير
الجده: اخذ اطياف ووافقت بسرعه
منيره وقفت على طولها تراعد وتبجي وطلعت برا والبنات يطالعون فيها

راحت لأقرب ضلع تبجي : ليه انا دايم انصدم من اللي احبهم يخونوني ليه ياسالم كذا ليه
وبعد بكاء يقطع القلب قعدت تفكر بعدين تقول ليه ياسالم ليه تحب اطياف جان قلتلي ماراح اقول شي ليتك صارحتني وماحطيتني بالأمر الواقع

حصه: سالم صحيح اللي سمعناه
سالم: لا
حصه : منيره تصيح
سالم متفاجئ: وشو
من قال لها؟
حصه: جدتي
سالم: وينها الحين
حصه: راحت ورا الخيام
سالم يركض ويركض
سمع صوت بكاء يقطع القلب قرب من ناحية الصوت
وقف يطالع فيها
بصوت مبحوح: منيره
منيره: وخر عني حسيت بعاطفه رح فرغها بطياف
سالم: اي اطياف واي خرابيط
لو اني احبها ماطقيت اخوها يامنيره
منيره: خلاص وخرعني يوم وافقت البنت يوم طاح الفاس براس جاي عندي
سالم:يابنت الحلال والله ماكنت ادري امي وجدتي راحو
قرب عندها وهي تبكي مسكها ويطالع فيها
منيره: هد ايدي
سالم: والله والله اني بكره الصبح اروح عندهم وانهي الخطبه
هاه رضيتي
منيره: لا
سالم: باين عليج بردانه
منيره:....
سالم اخذ فروته وحطها عليها

بعد العشاء
جاهم بدر من بعيد اسمعو انتو ماعندنا بنت لزواج ياسالم
سالم يطالعه: بلي مايحفظك انت واختك
ابو سالم: عيب ياسالم
بدر: خلك تجينا بكره تحب رجلينا عشان نزوجك بنتنا
سالم وقف: يالله عاد يالله ميت فيكم انا
الجد: تعال تقهو ياولدي
بدر دف الدله برجله: مابيلكم قهوه
وطلع
الحريم برا الخيام يتسمعون
ارتاحت منيره حيل من كل كلام سالم اللي قاله لبدر


الجده: انالله وانااليه راجعون
ام سالم:والله مدري وش بلاه
اميره تطالع فيهم بخوف: يارب مايدرون

كل واحد دخل خيمته بينام
بخيمة ام منيره
منيره مانامت كله تفكر بسالم واميره بعد
منيره: انتي ليه يلحقك بدر انتي وش سويتي
اميره: قصري صوتك
منيره: خلاص محد سامعك قولي هبلتيني انا وسالم الليوم
اميره: انا حسيت اني اتقرب حيل لبدر
هو يهبل يجذب يجذب بشكل ماتصورينه
انا قلت ابلعب عليه
هووامه يوم جونا انا بس اخزه هو ماعطاني اهتمام
والليوم قلتولي روحي قولي لهديل تسرع
رحت وليتني مارحت دخلت المطبخ مالقيت احد طليت شفت بدر واقف عند خيمة جدتي طالعت فيه وابتسمت كذا عشان اطيحه
هوحطني بباله ويبي يدمرني اناتخرعت وقمت انتفض
منيره: لاتعودينها ترا الرياجيل مو مثل بنات المدرسه
وخلينا ننام

بخيمة ام فهد
شوق سرحانه تفكر بتركي شلون تسافر بكره هي ماشافت تركي طول الليوم
شوق: يمه يمه
ام فهد: هاه
شوق: انا مابي اسافر ابقعد عند خوالي
ام فهد: انا ماارضى تقعدين بروحج وحتى ابوج
اقول خليني انام

في بيت الشعر
تركي يفكر
معقوله بكره يسافر قلبي وانا قاعد راح يسافروانا اموت لين يرجع ويرجعلي الروح

سالم يفكر هذا الليوم بغى ينهي علاقتنا انا ومنيره الحمدالله على كل حال
ارسل مسج
"تعال ريحني من ايامي السود#ترى الجفامابه للأحباب راحه#ماعاد بي للصمت عزم ومجهود# الصمت فيني حزن الأيام باحه# ليتك بجني طول الأيام موجود# هذا من اللي منك تنزف جراحه# اتخيلك وردآ ربا في هوا النود# واتخيلك بعيون الأشواق واحه#

منيره ارسلت
"ودي يعلمه الهوى عن شوق بنت حالفه* ماتسكن الاخافقه لو اكثرت بيوت البلاد* ودي باصابيع الشعر تكتب غلاه وتلاطفه* وكيف اني ارسم ضحكته خيال مالك له جياد*


آذن الفجر
وكل واحد سهران يفكر
كلهم توضو وصلو ونامو
الاتركي يفكر باالفراق الليوم
وغفى تركي غفوه

الخدامات يساعدون ابوفهد وعياله بالأغراض
ام فهد دخلت خيمة الجده تسلم وتبجي: مع السلامه
والحريم والبنات قامن :مع السلامه ماتشوفون شر
شوق تبجي وتسلم على الجده وخالاتها ويضمون بعض هي والبنات صارالجو كله بكاء
شوق ماشافت منيره ولاتركي
شوق بترجي: أميره اسرعي قومي منيره
أميره تركض
شوق بقلبها وهي تناظر ببيت الشعر: وينك ياتركي يعني معقوله نمت وهنت عليك
ابوفهد: يالامشينا
فهد طاط طاط: شوق اركبي
شوق: موراكبه الين يجي ابوي
فهد: ابوي بيسلم على جدتي ويجي
شوق ماعطته وجه
وتركض لخيمة ام منيره
شوق: منيره وينج
منيره: ادور شيلتي
شوق: امانه وصلي هالكلام لتركي عن طريق سالم
مع السلامه ياتركي يمكن اشوفك يمكن لا واذا انت قاعد وماتبي تشوفني الله يسامحك
وانا معقوله هنت عليك ماتبي توادعني
بااااي
منيره: لحظه ماحفظت
شوق وهي مستعجله: اكتبها لج بتلفونج
يالا مع السلامه
منيره بحزن: باااي
وسلمن على بعض
شوق وهي طالعه لقت فهد قدامها
فهد: يالا مشينا
شوق بقلبها: والله حسبالي تركي

شوق تمشي وكل تفكيرها بتركي وتناظر بيت الشعر
ابوفهد طاط طاط: شوووق
شوق تركض: يالا يالا جيت
ركبت شوق

حان وقت الرحيل اصحى ياتركي اصحى ماتبي تشوف شوق
تركي وقف مفزوع ويتلفت مافيه احد عنده شاف فراش فهد مرفوع غريبه بالعاده ينزل طرباله بجنت طربالي
لاوالله رحتي ياشوق
اخذ اشماغه ويركض
شاف الجيب حرك من عند خيام الحريم
تركي تغورقت عيونه
شوق ناظرت ورا صدفه شافت تركي يركض
شوق شهقت مع ضحكه طويله تركي بصوت عالي: شوق مع السلامه ياقلبي
شوق نزلت راسها وقعدت تبكي
افترقنا ياتركي يمكن نلتقي ويمكن لا
يمكن زواجي اناوولد عمي السنه الجايه ياخذني لديره بعيده وماشوفك

تركي طاح على رجوله يصرخ :سالم ليه ماقومتني
لكن مامن مجيب ماحد عنده
سالم فوق ضلع يدور شبكه
ومنيره فوق ضلع ثاني
منيره ترسل مسج: ياعمري ياشوق راحت
سالم: هذي شوق الغاليه عندج عاد انا اذا رحت وش تبين تسوين
منيره: اموت
سالم: بسم الله عليج
منيره: وش يسوي تركي
سالم: حالته تكسر الخاطر
منيره: يمكن هذي حالتي واكثر اذا انت رحلت
سالم: لا ماعليج اخذج الشهر الجاي اهم شي شوق وش سوت
منيره: قالتلي كلام واجد بعدين ارسلك كلامها اذا عندك تركي
ام نوره: منيره تعالي ساعديني
انا بروحي وماعندي بنات
منيره: خلاص
وارسلت
"حبيبي عمتي تبيني اساعدها تامر على شي"
سالم :
أيه امر على شي كبير بس انتي ترفضين

ام نوره طبخت الغدا وتغدوا
مرت الأيام سريعه وهم في البر
تركي طايح بهمه ويبكي
سالم ومنيره كل يوم وناسه
رهف وعلي نظره
راشد وورده غزل وحب
الجده والحريم سوالف
الرياجيل مقناص

بعد رحيل ابوفهد ب٣ ايام
قرر الجد انهم يمشون لديره
الجد: يالا بكره الصبح تجهزو بنمشي
سالم فز خايف بيصير مصيري مصيرتركي
ابومنيره: انشاالله
الجده: خله الظهر
الجد: لا الصبح بعدصلاة الفجر


آذن الفجر
قام الجد: يالا صلاه يا عيال
وقامو العيال يصلون

الجدينادي: ام محمد ام محمد
الجده: نعم
الجد: قومي سويلنا فطور
الجده:الحريم بالمطبخ بيجبن الفطور

تركي: يمه يالا شيلو اغراضكم
الأم: خلاص ياوليدي ناد محمد واحمد يساعدونك
تركي: يالا مشينا قماشه نادي خواتج يشيلون معاج

ام سالم: تركي ناد سالم معك يجيب السياره
تركي: انشالله
ام سالم: حصه نادي خواتج يالا شيلن اغراضكن

ابومنيره: انا موقف الوانيت قولن للخدامات يشيلن اغراض المطبخ
الجده: يابنات فضن الخيام علشان يشيلونها العيال

شالو بيت الشعر والبنات يهدمن خيامهن والعيال يشيلون

جت الساعه ٨ وشالو كل اغراضهم ومامع الحريم الاعباياتهم والسيارات واقفه وهم يسلمون على بعض ويبكون وذكريات مرت وناسه
منيره: الله ياخذ المدرسه اللي تفرق بين الأحباب
ورده: اقول السبت مدرسه جهزي اغراضج بإستعداد ههههههه
منيره: ياخذ هالوجه يوه لاتذكرينا بهموم المدرسه

وسلمو على بعض وسالم عينه على منيره طول الوقت مافارقتها
وقال سالم
يامطري الفرقى انا كيف ابنساك # وانا الذي ماخنت حافظ وصاتك#لو الحلى طعمه مر بشفاك# احلى مراره دامها من شفاتك# اخلصت في حبك ولاقلت ابسلاك# عاشق شقى عمره سعادة حياتك#

علي يناظر رهف
راشد يناظر ورده
راشد: علي ديربالك على الورد
علي:حتى انت ديربالك على الرهف
علي بصوت عالي: ورده تعالي
راشد: وين تناديها وانا واقف
ورده: شوفو الخبل يناديني قدام راشد
رهف: انتي الخبله
ورده تمشي بحياء بصوت خفيف: نعم
علي يطالع براشد
راشد وجهه متغير يطالع يمين ويسار من الفشله
علي: يالا اركبي بنمشي
ورده تخزه وماتقدر تقول شي: زين
علي :غريبه ورده ماقالت شي
ام علي: علي تعال ساعدني
علي يتكلم مصري: حاضر ياممتي

راح علي وراشد يتلفت يمين ويسار وده يقول شي لورده قبل يجي علي
ورده راكبه بروحها وخايفه
وكانت فاتحه الباب
راشد من بعيدبصوت خفيف :ورددده
ورده بقلبها: منو يناديني لا يتهيئلي
راشد بصوت مبحوح ورمنسي: ورده
ورده التفتت عليه
راشد بعيون بارقه وابتسامه خفيفه: احبج
ورده نزلت راسها
راشد يقرب : مع السلامه
ورده:.....
راشد: ورده انتضريني
بااااي حبي
وراح راشد
ورده تناظر زول راشد وهو مقفي
باي ياروحي
وش قصده بانتضريني
مالت على وجهي اناليه مارديت عليه
كله منطمه ومافجيت حلجي
وفجأه يفنتح الباب
رهف: وينج
ورده: انارحت بخبر كان
رهف: هيه وش فيج مخرفه
ورده: انا اشهداني ذبت بعسل راشد
واحد يتنحنح ورا رهف
كلهم طالعو الا هو علي
رهف منزله راسها تبي تروح حط يده على السياره عشان رهف ماتطلع
رهف تطالع بيده ومنزله راسها
وعلي تم يطالع فيها
ورده: هيه خل البنت تروح
علي طالع بورده وسكر باب السياره على ورده وقال خلينا على راحتنا
علي: رهف راح تفقديني
والا انا راح افقدج
رهف تناظر فيه:.....
علي: والله لفقدج يارهف
رهف تكلمي
رهف: شنو اقول
علي: الله تكلمت عيديها
رهف تناظر فيه
علي: انا ابقول شي
انا واحد اموت فيج ولاتفكرين اني العب عليج واخذي هالشي لذكرى
يالامع السلامه ودي اطول تصدقين
رهف:......
تمشي رهف رايحه لسيارتهم
منصدمه
ركبت فتحت هالشي اللي يقول عنه علي
لقت سلسال فيه حرفar
ضمت السلسال حيل وتناظر تحت شافت ورقه فتحتها لقت كلام كثير كاتبه علي وتحت
ابي منج مسج واحد ماطلبت منج شي كبير وهذا رقمي
رهف مستانسه حيل

وداع سالم ومنيره
سالم ارسل مسج
منيره وينج ابجيج الحين
منيره ارسلت
انا قاعده ورا الضلع
سالم
انا ابجيج من ورا الضلعان كلها

منيره قاعده بروحها وتطالع فوق
سالم يناظرها من بعيد ببتسامه
بصوت عالي: حياتي ليه بروحها
منيره تعدلت وتبتسم: مو بروحي انت معاي في قلبي ساكن
سالم وهويضحك: معقوله انا ساكن في قلبك بدون اجار
منيره: بدون اجار قلبي ملك لك والا انت شاك في الأمر
سالم يقرب حيل عند منيره ويناظر عيونها بنظره رومنسيه براقه: قلبي يحبج حيل ويبيموت من فرقاج
منيره: حتى قلبي ياقلبي
سالم: منيره خلينا على اتصال دايم ومسجات
منيره: انشالله
استمر الهدوء دقيقه
سمع سالم صوت بكاء التفت بمنيره
سالم: حياتي وش فيج
منيره تبجي: انا تعلقت فيك ياسالم وماقدر اتخلى عنك ياحياتي دقيقه تعودت عليك
واحس اني اموت من دونك
سالم يقرب عندها ويحط يده حول رقبتها ويقربها من عنده: بسم الله عليج حتى انا والله ابفقدج وماراح انقطع عن المكالمات
فجأه يدق جوال سالم
سالم: الو
ام سالم: يالا الناس اركبو
سالم: يالا جاي جاي
وقف سالم يطالع بمنيره ومنيره تطالع فيه مسك يدها :مع السلامه ياقلبي
منيره: مع الف سلامه
سالم: روحي انتي وانا ابقعد علشان مايشكون
منيره راحت وركبت السياره وتطالع بضلع اللي جمعهم اول مره
كلهم ركبو وينطرون سالم
سالم يمشي من بعيد وشاف الجد ويمشون ويسولفون ويضحكون
منيره تطالع فيه من بعيد: فديت هالضحكه والله
والله اموت فيه

حركو سياراتهم الجميع
متوكلين على الله
هدوء كل السيارات يمشون كل واحد لديرته

الرياجيل متفقين عند المفرق الفلاني كل واحد يتجه لديرته

اتجهو للمفرق كل سياراتهم ورفعو إيدينهم فمان الله
افترقوا نعم افترقوا

اخر نظره بين سالم ومنيره عند المفرق
منيره بقلبها: ياقلبي انت وعدتني تجينا الشهر الجاي وتاخذني ونروح عن انظار الناس
سالم : احبج ياحياتي

وهم في الطريق
منيره: يبه ياطول الطريق
غيرعن يوم نجي
ابومنيره: اصبري والانامي
أميره: يبه مر المحطه جوعانه
ام منيره: الحين بناخذ غدانا
ونتغدى
الجد: ابرد انا ومحمد ناخذ الغنم ونحملنهن
منيره: جد ابروح معكم
الجد: وين تروحين وحنا معنا رياجيل
منيره: يوووه

كل واحد وصل لبيته

ابومنيره: شيلو الأغراض طايحه بالحوش
ام منيره: ياحكيمه شيلي الأغراض
اميره على طول قدام التلفزيون
منيره مالها خلق طلعت فوق تسبح وتنام
الأم: قومي اسبحي يااميره اعوذ بالله على طول قدام التلفزيون
منيره دخلت الغرفه شافت مجلات طايحه ودفتر احمر كله اشعار واسم تركي
منيره : معقوله انا كنت احب تركي
وقطعت الدفتر
وتمشي حوالين البيت وتشوف كل زاويه فيها ذكرياتهم
سبحت وانسدحت
فجأه جاها مسج
فزت الله من سالم"
انت الوحيد اللي حياتي عشانك# لاتفرط بقلبي ويصبح ضحيه# وكلمة احبك كالعسل من لسانك# ليتك ترددها حبيبي عليه#يوم انت غامرني بلذة حنانك# اخلصت لك بالحب من طيب نيه #
وارسلت"
ياسيد الأحباب من الروح محروقه* والنارشبت بقلبي يالغضي طفه* حرام قلبي تشب النار بعروقه* وليا اشتكى البرد ياداف الحشى دفه*شف دمع عيني وقلبي زايد شوقه* غزيت روحي مثل جيش غزا الضفه*
نامت منيره من التعب
الأم: يالا غدا يابنات
البنات نايمات
بس الجدوالجده والأم والأب تغدوا ونامو

بعد مرور عدة اسابيع

في بيت ابوتركي
تركي: يمه يمه انتي نمتي
الأم:....
قماشه: امي نايمه تبي شي
تركي: بغيت اكلمها في موضوع
قماشه: مايصير انااسمعه
تركي: والله ياقماشه هالموضوع كل الناس اعرفته
قماشه: موضوع.....شوق
تركي: وهوفيه غيرشوق تتل القلب تل
قماشه: الله يهديك
الأم فتحت عيونها لأنهامونايمه واسمعت كل السالفه: شفيك ياتركي
تركي: انتي قاعده يمه
الأم: وسمعت كل شي
تركي: وش رايج
الأم: والله رايي كل يوم تسمعه وعيال عمها ياتركي هذيلاناس شريين يحبون الخير لنفسهم
تركي: انا ابكلمهم بهداوه ويفهمون الموضوع بكل منطق
الأم: توالناس وانت كلم ابوك
تركي: مليت وانا اكلم ابوي وابوي وده يروح الليوم قبل بكره
وانا على وضيفه وعيال عمها ولاواحد عنده وضيفه وانا مليت يمه ابخلص من الموضوع
الأم: والله مدري شقول

في بيت ام فهد
كل عاده تركي يرسل لشوق وشوق ماترد تغلى عليه

شوق قالت في نفسها حرام انا ليه اسوي معه كذا حرام
ارسلت"
البعد والترحال والهم والضيق
وانفاسك العذبه بقايا حنيني
والوقت لامن نام له يوم ويفيق
يعرف غلاك ويرسمه في جبيني
حبيبي لوكان للحلم تحقيق
حبك يحقق لي حلوم السنيني
تركي طار طار طار من الفرحه انا بحلم والا بعلم
وشبع جوالها من الرسايل

بيت ام سالم
سالم تودخل على اهله : السلام عليكم
ابوسالم: وعليكم السلام اقعد اقعد تقهو
سالم قعد واخذ الفنجال وسرحان وساكت طول الوقت
ام سالم: سالم فيك شي والله موطبيعي
سالم: يمه انا قلت لخالي قبل نروح للبر اني ابجي اخطب اجل الموضوع
الأم: انا قلتلك ان البنت موراضيه وتفكر
سالم: انا متأكد ان منيره تبيني
الأب: وراها ماردت عليك
سالم اخذ تلفونه وعطى ابوه: دق على خالي واسمع منه
اخذ ابوسالم التلفون: الله يهديك
دق على ابومنيره
ابومنيره: هلا والله
ابوسالم: هلا فيك
وبعد السلام الحار
دخل ابوسالم بالموضوع: والله يابومنيره انتواجلتو موضوع سالم والله ماندري وش السبب بس ابسئلك بنتك تبيه والا نشوف بنت ثانيه
سالم تغير وجهه وخاف
ابومنيره: والله مادري وش اقول الموضوع مو بيدي والله لو انه بيدي كان اعرس سالم على بنتي الليله
ابسئل البنت بعد يوم بس
وارد لكم خبر
ابوسالم:ماتقصريابومنيره وماودي اطول يالا مع السلامه
سكر التلفون
سالم ارسل
"قلبي خالي جاج يبي يسئلج الحين عن زواجنا"
منيره بخوف
ارسلت" وش دراك
سالم
"تو دق عليه ابوي ويقول ابسئلها
منيره والله خايفه
انزلت تحت تسمع
ابومنيره: والله مدري شقول للبنت العنيده
الجد: قل لهم البنت ماتبي دور على بنت غيرها
ام منيره: ليه العجله خلوني اروح اسئلها
الجده: هو يبيها وهي عوبه
ذاك الليوم يوم راحت ام سالم تخطب بنت ام بدر انهبل سالم
ابومنيره: ماشاالله على اختي هذي تبي بنتي وتروح تخطب والله خوش
هم يبوني ارفض على هالزواج
منيره فوق تسمع وخايفه وتدعي يارب ماتكبرالمشكله
ابومنيره: روحي اسئلي بنتج تبيه ولا لا
وانفتح الباب
ومنيره تركض فوق وتسكر الباب وتسوي روحها نايمه
الأم: منيره منيره
منيره قعدت: نعم يمه
الأم: تبين سالم ولا لا
منيره: وش هالسؤال المفاجئ
الأم: ردي علي
منيره: هاه..... والله مدري شقول
الأم:يعني افهم من كلامج انج ماتبينه
منيره بصوت عالي: لاااااا
هاه أيه
الأم: أيه ولا لا
منيره: أيه ابيه
الأم: وش اللي غير رايج
منيره: يوم طلعنا مع بعض
شفته خوش رجال
الأم: ليتنا طالعين من زمان معه
أميره وابوها تحت
الأب: أميره وانا ابوج منيره تبي سالم انتي دايم تقعدين معها
أميره: والله مدري بس احس انهاماتبيه
الأب: اوف الحين وش اقول لبوسالم
دايم تحب تفشلني هالبنت

ابومنيره يدق على ابوسالم
يوه التلفون مغلق
فتحت الباب ام منيره
من تدق عليه
الأب: على ابوسالم
اهم شي البنت وش قالت
الأم: موافقه
الأب: لايكون غصبتيها لأن ماحب بناتي ينغصبون وتو قالتلي اميره انها ماتداني سالم
الأم: يالعوبه ياأميره اذا مو مصدق اطلع لها فوق
الأبو طلع فوق: منيره منيره
منيره: موافقه يايبه موافقه
الأبو يضحك: انا ماسئلتج
منيره بحيا: بس انا مستحيه
الأبو: احلفي انج تبينه وماحد غصبج
منيره: والله اني ابيه
خلاص عاد يبه
الأبو طلع وهو يضحك
يدق على ابوسالم كله مغلق تلفونه
دق على بيتهم
ردت حصه وقعد يسولف هو وياه
وسئلها عن ابوها وليه تلفونه مغلق
حصه: خربان تلفون ابوي تبيه الحين هو عندي
ابومنيره: أيه عطينياه
حصه : يبه يبه خالي يبيك
التفت سالم عليها ويركض اخذ التلفون وعطى ابوه
سالم واقف وقلبه يدق
ابوسالم: هلا
ابومنيره: مبروك الف مبروك وتعالو اي وقت
ابوسالم: صحيح الله يبارك فيك ويطالع بسالم
سالم يضحك وينقزكأنه طفل
مستانس
سالم: يمه بكره اروح اخطبها
الأم: ليه مستعجل خله الأسبوع الجاي الطريق طويل
سالم: الله يمه احس اني مستانس ومالك كل الدنيا

ابومنيره: يبون يجون الأسبوع الجاي يامنيره
منيره: انا وش دخلني
ابومنيره: انتي تطلعين يبي يشوفج سالم

مر الأسبوع عند سالم كأنه سنه كامله
يالا يبه اركب الطريق طويل
ابوسالم: توالناس
ام سالم: لاتستعجل ياولدي اشوي اشوي
ركبو السياره ووصلو بالسلامه
ارسلت منيره
الحمدالله على السلامه ياقلبي
سالم
الله يسلمج ياحياتي استعدي علشان ابشوفج بعد الملكه

سوا عشاء ابومنيره
تعشوا ونامو
واتفقو ان الملاج يجي بكره المغرب

منيره قامت بدري خايفه
وتدور لها لبس علشان الليوم تقابل سالم

أميره: طفي الليت ابنام
منيره: اقول قومي للغرفه الثانيه لأن الليوم يومي

مر الليوم بسرعه

آذن المغرب
وجاء الملاج
وتمت الملجه بحمدالله
ابومنيره اخذ سالم ودخله الغرفه الثانيه
وهو ينطر منيره الا وحده دخلت عليه مثل القمر
ابومنيره: اقعدي يامنيره شوي
سالم يطالع ويبتسم
منيره تبتسم
ابومنيره طلع
قعدت منيره بعيد
سالم وقف والتفت يمين ويسار
بصوت عالي: منوووووور اخيرآ ملكتج
منيره: شوي شوي
سالم: الله وش الحلى كله غير يوم حنا في البر
منيره: اكيد في البر مغبره
سالم:انتي ليه بعيده
حبيبي اقرب
منيره تضحك نانسي عجرم على غفله
سالم يقرب من عندها
انشاالله الشهر الجاي انتي ملكي اكثرواكثر
ينفتح الباب
الا وام منيره واقفه وسلمت على سالم ومنيره طلعت
سالم بقلبه : هذي وش جابها
سالم بصوت عالي: ياخاله ترا عرسي الشهرالجاي وبكره المهرعندج
ام منيره: ليه مستعجل مايمدي البنت تجهز شهر
سالم: لا لا انا مابيها تجهز هي تهبل بدون تجهيز
سالم: الحين اتركينا ابي منيره بكلمة راس
ام منيره: وينهامنيره منيره طالعه من زمان
سالم تفشل ويضحك
خلاص يالا فمان الله سلمي لي على منيره
ودخل سلم على الجد والجده
والكل يبارك له
سافر سالم
وهوينطر هالشهر كأنه قرن عنده
والكل مشغول بعرس سالم يجهزون
الصاله والطقاقات والصبابات
والصالونه

بقى يومين عن عرس سالم
سالم ارسل"
حياتي بقى يومين وانتقابل
واشوف عيونج الحلوه
منيره تقولها بمزح"
اثقل شوي والا ماحضر العرس يمكن يكون علي إمتحان
سالم
هيه انتي العروس لاتنسين
منيره
تصدق توني ادري حسبالي أميره اختي هههههه
سالم
انا انطرج يابعدهم كلهم بفارغ الصبر

الليوم العرس
خوالهم وعمامهم تجمعو عند ابوسالم
البنات يسولفون
والعيال مجتمعين في الشقه عند سالم
تركي: الليوم يومك ياسالم
سالم: عقبالك
تركي:ليه تأخرت وماجبت ملابسنا من عند المغسله
راشد: انا وديت البنات لصالون
وابجيب الملابس شوي

الحريم الكبار بصاله
آذن العصر والبنات كلهن بالصاله يزينون الأستقبال ويلبسون ثيابهم
شوق كانت مميزه
ثوبها اصفر بزيتي وشعرها مدرجات ومكياجها حيل صارخ
وتفكر بمنيره
خوات المعرس بعد مميزات
خالات المعرس مميزات بالحفل
ويستقبلون الحريم ويبخرون ويعطرون
آذن العشاء
وبدا الطق
ورقصت ام سالم والجده
بعدين خوات المعرس بعدين بنات العمام وبعده بنات الخوال
بعدين الأسماء بنات جماعتهم وجيرانهم
الساعه ١٠
منيره في السياره متجهه صوب الصاله
أميره وامها معها
وصلو ودخلت العروس بزفه خاصه
شهقن الحضور مشالله
اميره تسوي ثوب منيره وتساعدها شوق
الين قعدت
ورقصت اميره بروحها قدام اختها وبكت وطلعت
شوق وحصه برا بالحوش
حصه تدق على سالم:
سالم وينك
سالم: حنا مضيعين الباب أي باب
حصه: الباب البوني الكبير

وصل المعرس
فتحت المشرفه
حصه دخلت وشوق ماسكه اختها شهد تمشي ببطئ
تركي كان بجنب سالم
ثوب ابيض غتره كوبرا شنبات خفيفه وسكسوكه على قد شفايفه الصغار
ويناظر شوق ببتسامه
شوق طالعت فيه تضحك وتركض
دخلو العيال
تغطو الحريم وغطو العروس
ويرقصون قدام المعرس
طلعو العيال
قعد المعرس بجنب العروس
والحريم لاهيات بالرقص
سالم: واخيرآ جاء هذا الليوم
منيره:......
سالم: تكلمي يعني عروس ماتكلمين
جت المصوره ابتسامه
زفو العروسين

انتهى العرس
انتهى عرسك ياسالم
الحريم و البنات قاعدات بالصاله ينكتون ويضحكون على مواقفهم

العيال يالا اركبوا بنمشي
صاحب الصاله يقول اطلعوا بيقفل الصاله
طلعوا راحو للبيت طلبوا عشاءوكملواسوالفهم

بغرفة العروسين
سالم: تصدقين منيره انج هبلتي فيني مزيوونه ومثل القمر
منيره: حتى انت منين جايب هالجمال
سالم: لاترقعين السالفه وامشي تعشي
ووطي هالنفاش اللي ماخلاج تقعدين عدل
منيره: ماراح اوطيه وابنام فيه
سالم: عز الله عينت خير
منيره تضحك: انت صدقت
انت تعش وانا ابروح ابدل
سالم: بسرررعه
منيره خايفه وتوطي ثوبها ببطئ وترد تلبسه من الخوف
تأخرت وهي متردده
دق الباب سالم: منيره ليه تأخرتي انا جوعان ماراح اقربج ياخوافه
منيره فتحت الباب ولابسه احمر وشعرها طويل واسود وتضحك
سالم طق جبهته بيده: العن منين جايبه كل هازين
عز الله الليوم ابنام عدل
منيره: انت وعدتني ياسالم انك ماتقربني
سالم: ليه خايفه
منيره: موخايفه
سالم: مدام انج موخايفه اجل تعالي
وسكر باب الغرفه
نوم العوافي ياعروسين

جت الساعه٨ وماحد قام
دقو الباب عليهم
سالم هلكان: نعم
حصه: افتح اخذ الفطور
فتح الباب واخذ الفطور
حصه: مبروك
سالم: الله يبارك فيج
وسكر الباب
حصه: ماخلى لي مجال اتكلم

سالم: منيره منيره يالا قومي فطور صرت انا الزوجه مو انتي
منيره بتعب: خلاص
ودخلت الحمام وانتوبكرامه

طلع سالم وكلن يبارك له
آذن المغرب
جت الصالونه والمصوره
تزينت منيره علشان الحريم كلهم يبون يباركون لها


تركي: ليتني بدالك ياسالم
سالم: اذكر الله
تركي: اهم شي وش سويت البارح
سالم: ماسوينا شي
تركي: مافيه زوج مايسوي شي بليلة عرسه
سالم: الا قولي متى عرسك
تركي: الحين خلني اخطب علشان اعرس
سالم: الله يعين

مر يومين
وسافرو الناس
وسافرسالم ومنيره
لكل دول الخليج

مر شهور عديده على عرس سالم
هم في بيتهم
منيره تسوي الغدا
سالم يتفرج بالتلفزيون
منيره دايخه: سالم....سالم
سالم يركض: عيونه
منيره:والله دايخه ماقدر اشتغل
سالم: لاتشتغلين بطقاق تعالي بفراشك
منيره بترجي: دق على امي تكفى تعبانه
سالم مايعرف شنو يسوي
امج بعيده والله اخرعها ماعرف اتفاهم معها
منيره:.....
سالم: قومي اوديج المستشفى
منيره: ماقدر دايخه اخاف اطيح عليك وتوهق فيني
سالم: لحظه ابنادي امي
ولحظات الأم عندهم
الأم: وش فيج ياعمري
منيره: عمه دايخه واحس اني ابرجع
الأم تضحك: هذا كل البنات يجربونه
سالم : يعني وش
الأم: يعني يمكن حامل والله اعلم
منيره وسالم يطالعون في بعض
سالم طاير من الفرحه: صج يمه
ويحب راس امه وزوجته
الأم: لاتستعجل ودها لطبيب وتأكد
سالم: يالا ياعمري اركبي
منيره تبتسم: ماحب اتعبك انت تو جاي من الدوام والغدا بيحترق
سالم بصوت عالي ومضحك: هذي اللي تبي تذبحني والله
جاها مسرع وشالها
منيره بحيا: فكني مو قدام عمتي
سالم: ماعلي من احد انا شايل حبيبتي فيهاشي
نزلها وقال البسي عباتك والحقيني تحت واذا تأخرتي راح اشيلك واوصلك للمستشفى
الأم تضحك: اخلصي والله يسويها
منيره تلبس عباتها نزلت تحت
لقت راشد قاعد
راشد: سلامات وش فيك
منيره: الله يسلمك بس شوية دوخه
راشد: ماتشوفين شر
منيره وهي طالعه: الشرمايجيك

ركبت السياره وراحو لطبيب
بعد تحليلات
واصرسالم ان تطلع نتايج التحليل الآن
منيره كانت بغرفة الفحص
الدكتور: مبروك حامل
سالم منصدم: متأكد يادكتور
الدكتور: ايوه روح خبر إمراتك بغرفة الفحص
يركض سالم الى غرفة الفحص
فتح الباب
سالم بهدوء: منيره منيره
منيره: نعم
سالم: عندج احد
منيره: لا
سالم يركض وحضن منيره ويدور فيها: ابصير ابو مبروك يامنيره
منيره تضحك من الفرحه: هدني الحين يدخل علينا احد
هدها سالم ورجعو للبيت

وبشراهله واهلها
سالم: لا تلمسين شي
منيره تضحك: وش دعوه مو لهدرجه
سالم: الخدامه في بيتنا تسوي اللي تبيه


تركي: يمه هذي خامس مره اروح اخطب يردوني علشان عيال عمها لين يرضون
الأم: اصبريايمه المره هذي بنروح ونشوف وش يصير
الأبو: الله يكتب اللي فيه الخير
ياوليدي
سافرو لديرة شوق
وصلت ديرة شوق ومحدن نضرلي

تركي وصل ويدعي ربه ماحد يرده

والله خايف الله يستر
نزل هو وامه وابوه

دخلو رحبو فيهم
ياهلا وسهلا
اصر ابوتركي ان يجون عيال عم شوق يحضرون الملكه
رفض ابوفهد لأنهم اذا تدخلو صارت مشاكل
تمت الملكه ارتفعت اصواتهم بالتهاني والتبريكات
عيال عم شوق جاهم خبر
هم ٣ الكبير متزوج مايتدخل بهالمواضيع والأثنين الصغار هم متشددين حيل
الكبير زيد٣٠
الأثنين مبارك٢٦ وعبدالرحمن٢٣
هم يرفضون زواج تركي من شوق
سمع عبدالرحمن الخبر مثل الضربه في صدره
ليه عمي ماعطانا وجه على الأقل يشاورنا
عبدالرحمن خبر مبارك
انهبل مبارك: والله اني لاعزر في حياتك ياتركي انا اهدده وهو يتحداني
عبدالرحمن فشش تواير سيارتهم وكسر جامها
طلع تركي مستانس حيل والدنيا ماتاسعه من الفرحه
ارسل لشوق"
حياتي الف الف مبروك
شوق"
الله يبارك فيك ياعمري الله يسترعليك من عيال عمي الشريين

تركي"
والك ماعلي منهم دامني اخذت شوقتي والله ماعلي من احد


تركي فتح الباب
شاف سيارته الجديده كاشخ فيهاقدام شوق(لكزز٢٠٠٤) انهبل من سوا كذا ليش
وعرفو اهله وعصبو
ابوفهد: خلو كل شي انا اللي باخذه وازينها
تركي: لا والله مايخسرفيها الا انا
ابوفهد: لا والله علي الطلاق اني لاسويها
ابوتركي: اوف وصلت لطلاق
خلاص
شوق عرفت
ارسلت" شفت اقولك عيال عمي مايخلون احد بحاله وهذا تونا ملكه ماصار زواج

تركي" الله يستر ياحبي
من الجايات

ابوفهد صلح السياره وراح سيده لعيال اخوه المتوفي
طق الباب
طلع زيد
وكلمه بالموضوع وان اخوانه فشلونا بضيوفنا
مبارك دخل: والله ياعم اني لعذب تركي
ابوفهد: تبيني اسلمك لشرطه ياقليل الحيا وبنتي وش ذنبها
مبارك: بنتك ماراح انتعرضها
ابوفهد: يعني ناويلك على نيه
مبارك: الين اعوف تركي بشوق
ابوفهد وهو طالع: والله يامبارك والله اذا صار لتركي شي ماتلوم الانفسك
مبارك بصوت عالي: ماراح يتم العرس وراسي يشم الهوى

خاف ابوفهد على تركي حيل

ابوفهد:تركي اذا حددت العرس علم اهلك وعلمني ونتمم الزواج عندكم
تركي: انشالله بس ليه انت خايف
ابوفهد: لاخايف ولاشي
تركي: يمكن عرسي بعدشهرين
ابوفهد: يصيرخيرانشالله

ابوتركي: يالامع السلامه
ابوفهد: ماتشوفون شر
تركي: ابروح اسلم على عمتي

راح تركي يسلم عليهم
وسبق ابوه لسياره
ركب السياره لقى ضرف
فتحه
"تركي
اذا ماتركت شوق فاموتك بين إيديني ولاتقول مانصحتك واذا تم العرس راح اخليك تكرهها كره فاحسنلك طلقها
حذف الورقه وماعطها اهتمام

سافرتركي واهله

طلعت ام فهدوشوق لجيرانهم
عازمينهم للعشاء

وهم راجعين
شوق شافت الظرف وحطته بشنطتها
قرته شوق تخرعت ياربي تركي قراها ولا لا
الله ياخذهم بيفرقونا

نزلت تحت خبرت امها بالموضوع
الأم: حسبي الله عليهم ولاتعلمين احد
شوق: يمه بس اناخايفه
الأم: توكلي على الله ومايجيج شر
شوق تفكر خافت انهم يخربون بيتهم بعدين

جاهم المهر شوق وامها كل يوم يرحون يجهزون
انتشرالخبر ان جاهم المهر
مبارك: هذا ماتاب
عبدالرحمن: اصلآ ماحسبلنا حساب
مبارك: تشوف يالنذل بنات عمه كثار وياخذون منا


مرشهرين
سالم:الليوم عرسك ياتركي منو قدك
تركي يبتسم

تركي: ياعمري الحين اشوف شوق واضمها بين إيديني

شوق: والله خايفه
الأم: ليه خايفه اقولج توكلي على الله وعيال عمج مايدرون عن العرس
والحين ابتسمي عشان اصور معج

الناس في صالة الرياجيل يسلمون على المعرس ويباركون له
تركي تعب من كثر السلام ويضحك يسولف مع هذا ويضحك مع هذا
تركي واقف
جاه هندي همس بإذنه: بابا في واحد راكب سياره بيعطي انتا عانيه
محمد: لاتروح ياتركي وش تبي الناس تقول عنك انا اشوف واجي
تركي: اقول اقعد ابشوف وش السالفه واجي
محمد: الله يهديك

تركي طلع يشوف شسالفه
دق تلفونه
تركي رد وهويناظر اللي راكب السياره: نعم قماشه
قماشه: متى بتجون
تركي: بعد شوي بس انا مشغول يالا اكلمج شوي


تركي يمشي بصوب اللي راكب السياره
نزل الرجال: هلا والله انت المعرس
تركي: أيه نعم منو انت
الرجال يناظر يمين ويسار ماشاف احد غير هو وتركي
الرجال: انا ..... اللي ابطعنك بليلة عرسك
ودخل السكين في بطن تركي
طاح تركي
حرك راعي السياره وانحاش
ضل تركي ربع ساعه طايح ينادي ينادي واغمي علي
عيال الصغار اللي بالعرس شافوه وينادون دخلو داخل الصاله

انا متضايقه يمه والله خايفه حيل
الأم: اقري المعوذات وخلينا ندخل
غنت الطقاقه
وانزفت العروس بدون عريس
ام تركي ترقص وتحس بشي داخل كيانها وتروح تقعد
قماشه: يمه شفيج قعدتي
ام تركي دمعت عينها احس اني متضايقه
قماشه: اعوذ بالله يمه وتقرا على امها
الأم: دقي على تركي خليه يجي
قماشه دقت
ترن ترن مامن مستجيب
يركض محمد على صوت التلفون اخذه وقفله رفع اخوه الأرض حمرا البشت بدال ماهو اسود صار احمر والثوب احمر
محمد يصيح : الحقوني يالربع
الناس تركض واللي يبكي
الرياجيل شالته قبل النزيف
دخلو في احد السيارات اللي مستأجرينها لزفت تركي

زفيناك ياخوي للمستشفى بدال الصاله

دخل العنايه
حققت الشرطه
وخبرهم ابوفهد وهو يبجي انه شاك بعيال اخوه
ياحسرتي عليج يابنتي

الحريم يتلفتون : وين معرسهم وين معرسهم
قماشه تدق مقفول
احرقت جوال محمد من الأتصالات
محمد يعطيها مشغول
احمد يبجي
ابوتركي: لاحول ولاقوة الابالله
الناس كلهم واقفين عند باب المستشفى
الحضور عند الحريم طلعن بعد مادقو عليهن رياجيلهن ان مافيه عرس واطلعن بسرعه
شوق تلفت يمين ويسار وتشوف الحريم ينقصون!!!
الجده : هو وينه ولدج
الأم تبجي
الجده: اعوذ بالله انتي علامج تبجين
الأم: ضيقه
قماشه توترت دقت عليهم كلهم ماحد يرد
دقت على ابوها وخبرها ابوها
وصاحت بصوت عالي وطاحت وقفت الطقاقه
الحريم تجمعو عليها
والأم كانت حاسه وطاحت
شوق فوق بالكوشه وتناظر فيهم من بعيد ووقفت شوق منصدمه تشوف الناس تبجي
وتقول بقلبها وش فيك ياتركي
لا لا تروح عني انتي وعدتني الليوم انتقابل
تركي ياقلبي آه آه ياحزن قلبج الليوم ياشوق على فراق نصفج الثاني
امها تناظر في بنتها اللي انفجرت بالبكاء وتحاول تهديها
والأم تبجي
والبنات يبجون
منيره داخت وهي حامل ماسكينها الحريم

احمد وقف سيارته برا
ركبو معاه يبجون
احمد خايف مايدري وش يقول: تعوذن من ابليس هو بالجناح الحين
ويطالع من بعيد
لين الحريم يعضدون امه وركبوها السياره
ام تركي تبجي: عسى اخوك مافيه شي
احمد: يمه بسم الله عليه
اركبو اوصلكم البيت
ام تركي: لا سيده المستشفى
راحو عمات تركي للمستشفى
اول ماوقفت سيارتهم
شافو سالم حاط يده على وجه يبكي ومنزل راسه
احمد وقف السياره بسرعه ونزل مسك سالم ودخله داخل علشان ام تركي ماتشوفه وفيهاضغط وخايفين تطيح عليهم
احمد: وش فيك ياسالم
سالم يصيح: يقولون حالته صعبه
ام تركي تبجي: وين ولدي
اخذوها العيال يهدونها
انتم تقولون انه في الجناح
ابي اشوفه
ابوتركي يصرخ: اي جناح هو الحين في العنايه
ام تركي: آه آه فديت وليدي
وخرو عني ابي اروح له
بس ابشوفه
الدكتور: لوسمحتو هدو من الأزعاج شوي
محمد حالته حاله وعقاله طايح:يالا يابنات السياره
وخلن امي تشوفه من ورا الجام
عضد امه لين وصلها غرفة تركي
اللي جسمه كله اجهزه
(طبعا تعرفون وجه المعرس شلون دائم غير بس تركي غير راد شعره ورا كان محلق اللحيه شنبات خفيفه شفايفه ورديه بودره خفيفه)
الأم تناظر فيه وتبجي

الشرطه : لوسمحتو من اخو تركي
محمد: نعم
الظابط: تعال شوي
حققو معاه وخبرهم ان الهندي هو اللي نادى تركي
الظابط: طلب الهندي
ابوفهد: فهد جبت امك واختك
فهد: أيه جبتهم بس اختي بتموت من البجا
ابوفهد: لاحول ولاقوة الابالله
ابوتركي: رح جب شوق تشوفه والا طمنها ان مافيه الاالعافيه

الأم كانت تدعي على اللي كان السبب
ابوفهد: اذكري الله يابنت الحلال ابروح اسأل الشرطه عن......
وطلع ابوفهد
ابوفهد: ممكن لوسمحت اروح لظابط
الشرطي: تفضل
الظابط: ادخل يابوفهد
ابوفهد: هاه شفت العيال اللي قلت لك عنهم
الظابط: أيه رحت انا ولدك فهد لقيناهم نايمين
وتقول امهم واخوهم زيد انهم من المغرب الى الحين نايمين
والهندي يقول ان اللي نادى تركي عريض ومتين وطويل وعيال اخوك مونفس المواصفات هذي
انشالله تركي يقوم بسلامه
ابوفهد: آمين يعني من الحاقد اللي طعن تركي
الظابط: انشالله يطلع الخبر
وطلع ابوفهد

محمد: يالا اركبو السياره
اركبن كل الحريم
ومسك أمه وركبها قدام فتحت الأم الباب شافت بشت تركي قعدت تبجي وتنوح
يبي يروح تركي وانا اطالعه وش بيدي اسوي آه آه آه
ياتركي لوتعطى روحي بديل جان عطيتك ياتركي الهم ماينزاح وانا اشوف بشتك يايمه طايح بين إيديني آه من يصبرني على فرقاك
محمد رفع البشت: يايمه تعوذي من ابليس وانزلو ترا ابوي تعبان واناوسالم ابنقعد عند تركي و اذا فيه اي خبرخبرتكم
نزلو الحريم
في البيت بس الجده اللي غصبت بنتها ام فهد وشوق ينامون عندهم لأن خلاص صارت شوق مرت تركي
دخلت ام تركي والهم فوق راسها
وتناظر يمين ويسار
وشافت شوق
شوق وجهها باهت منحنيه على زاوية الكنب
ام تركي: تعالي يابنتي ياشوق
قامت شوق وحضنتها وتبجي :خالتي تركي راح وخلاني
ام تركي تزيد البكاء: انشالله مهو رايح
الا انتي وياه تملولي البيت عيال
بس لاتزيدين علي طعنات انتي غلاج مثل غلاولدي تركي
تعالي نامي بغرفج
شوق: لاياخاله مادخل الا اذا تركي معي
ام تركي: اقولج انشالله تركي بيطلع
واخذتها الأم ودخلتها غرفتها

بالغرفه شوق بروحها زاد بكاءها
يوم تذكر تركي يقول شريتلي غرفه اناوياج١٥الف تفتح النفس
وتذكرت اول لقى بينهم تذكرت ايام البر وتذكرت الملكه
وتذكرت مسجاته
فجأه قالت وين تلفوني فتحت شنطتها
اخذت تلفونها فتحته فيه
رسائل الوارده٢
"اللحظه اللي بها المحبوب مستانس
عندي من احلى سنين العمر واسعدها
والدمعه اللي على خد الغضى تانس
عندي من اقسى سنين العمر وانكدها"

" حبي مابقى الا القليل وانتلاقى"
كلهم من تركي شافت وقت الرسايل الساعه٩ونص
قعدت تصيح وتبكي وتقول ليتني شفتك الساعه ٩ وتناضر بالغرفه شافت بالتواليت صورة تركي هو مبتسم
جعل تبتسملك الدنياومافيها
من قريت الرسايل راح فكري شمال*ذكرتني حروفك بالعطا والوفا* من رحلت وفكري سارح بالخيال*راح وقتي اطفي جمرة بالخفا

دارت بالغرفه فتحت الكبت شافت ملابسه معلقه ضمتهم حيل جعلي مافقدك
وفتحت درج التواليت شافت هديه مغلفه مكتوب فيها الى احلى شوق
وقعدت تبجي: العرايس يستانسون بليلتهم الا انا عروس بلامعرس
متى يارب تجمعنا على الفرحه تخلينا¤ وتعطينا حلال الوصل بيدينه وبيديني¤ تبارك حبنا العذري بلقيانا تهنينا¤ وهنيه العمر كله وهوكله يهنيني¤تعاهدنا نعيش لبعض تسبقنا امانينا¤نصبر بعضنا بالطيف اناجيه ويناجيني¤


آه ياحزني عليك ياتركي
شوق هلكانه قاعده بالكنب وجهها المنور بالعرس اضلم مكتمه وعبوسه غطت شوي ونامت

آذن الفجر

فجأه اسمعت صراخ في البيت غيرطبيعي

قامت فتحت الباب
البيت فاضي
البنات بغرفتهم نايمات
!!! وش هالصراخ!!
الحريم بالحوش
طلعت لقت جدتها
جده تكفين وش فيه
الجده: بسم الله الرحمن الرحيم انتي من قومج
شوق: سمعت صراخكم
الجده: لابس منيره راحت تجيب
شوق: الله يستر عليها
وماعرفتو شخبار تركي
الجده: احمد تو جاء يقول حالته مستقره
شوق: الحمدالله
ام تركي: شوق اخذي اغراض تركي
شوق فزت: ابشري
واخذت اغراضه اللي كانت بكيس
دخلت الغرفه
قعدت على السرير
فتحت الكيس لقت اغراضه وقعدت تبجي
شافت غترته اللي فيها بقعه دم وطاقيته وعقاله
لقت بوكه وقلم ومسباح وتلفونه وسويج السياره
تحطمت شوق
قعدت تبجي

في نفس المستشفى
دخلت منيره تصارخ
سالم : شفيه
ام منيره: اظاهر تبي تولد
ودخلت غرفة الولاده
وقعدو ينتضرون
ام منيره : سالم وشلونه تركي
سالم: والله الى الحين ماقام من الغيبوبه
ام منيره: الله يسترعليه

بعد انتظار دام ساعه
الممرضه: مبروك جالك ولد
سالم:صج
ام منيره: مبروك ياسالم
سالم: والله ماودي ولدي يجي بهاضروف
ام منيره: هذا امر الله والحمدالله على كل حال
سالم: تركي اسم ولدي تركي
ام منيره: تعال ندخل على
ام تركي
دخلو عليها وتحمدو لها بالسلامه
منيره بقلبها : صج الأيام دواره اناوتركي بنفس المستشفى وولدي اسمه تركي
بلغو الجده ان سالم جاله ولد
بس وين الفرحه وين الحزن
سالم: ابروح اجيب ام تركي من المستشفى
الجده: وش فيها ام تركي
سالم: ام تركي مرتي ياجده مو مرت خالي
الجده: انت سميته تركي
سالم: أيه ياجده
الجده: الله يخليه لك

آذن الظهر
محمد: انا ابرتاح شوي من البارح مانمت اذا جت الساعه٣ قوموني علشان نزور تركي
ومن منكم تبي تزور تركي؟؟
شوق بصوت مبحوح وخفيف: انا انا يامحمد تكفى
محمد: يصيرخير بس قعدوني
فجأه دق الباب الشارع بقوه
احمد يركض : محمد تعال شف الحيوان اللي برا يتلفظ على تركي
محمد: من هو هذا!!؟
راح محمد يتفاهم معهم
فهد دخل
الجده: من هذا يافهد
فهد: عيال عمي
ام تركي: ياويلي الحين يذبحون عيالي
فهد: لا يتفاهمون
الجده: رح ناد ابوك عليهم
راح ابوفهد
مبارك: طلقو البنت من الولد لأنه موعايشه معه هوبالمستشفى بين الحيا والموت وهي قاعده في بيت كله عزوبيه
ابوفهد حط يده على فم مبارك : بس اسكت وانت مالك دخل في بنتي تفهم ولا لا
ويالا برا
محمد طلب الشرطه لأنه شاك انهم هم اللي طعنو تركي

الشرطه حضرت امسكت مبارك وعبدالرحمن
مبارك بصوت عالي: والله ماخليك يامحمد لاالحقك اخوك

محمدعلم الحريم السالفه
شوق تبجي: هم وش دخلهم الله ياخذهم

(مر اسبوعين على غيبوبة تركي وهم كل يوم يزورونه)



محمد جاء من دوامه تعبان سلم على اللي في الصاله:
قوموني مع صلاة العصر
الأم: وش عندك العصر
محمد: شغل

محمد حط راسه بينام
دق التلفون
ترن ترن ترن
محمد: يوه منهو هذا المزعج
محمديرد: آلو
الدكتور: آلو انت محمد
محمد قعد: أيه نعم فيه شي
الدكتور: لابس حبيت ابشرك ان اخوك صحى من الغيبوبه
محمد وقف: صج الله يبشرك بالخير
الدكتور: الحين بنحوله لقسم الجراحه
في جناح رقم ١٩١
محمد: مشكور طال عمرك
فتح الباب محمد بقوه
محمد: هيه تغطن ياحريم
الجده: انت مانمت
محمد: وشلون انام وتركي صحى من الغيبوبه
شوق وقفت: صحيح ومبتسمه
بعد ماتقطع وجهها من الحزن
ام تركي: يالا يالا ودنا معك
ركبو السياره
شوق حامله معها كل الأمل بأنها تلقى حياتها ينتضرها
محمد: لااسمع ان وحده منكم تبجي قدامه لأن يكفيه اللي فيه
مسرعين بالمستشفى
يدورون غرفه رقم١٩١
قماشه: هذي هي الغرفه
دخلو عليه
سرير بني غرفه بارده قدامه تلفزيون ريحة ديتول غرفه هادئه
التفت تركي بتجاه الباب ببطئ
ضحك ضحكه خفيفه
محمد حب راس اخوه: الحمدالله على السلامه
تركي بصوت خفيف: الله يسلمك
تركي يلتفت ويناظر امه من ورى محمد ويضحك
الأم تحبس البجا: ماتشوف شر ياقلبي
عسى ماتحس بشي الحين
تركي يهز راسه :لا
الجده: الحمدالله على السلامه
تركي يبتسم
كل عماته وحده وحده تسلم عليه
شوق مستحيه واقفه ورا
ام نوره بمزح: يالاقوم يامعرسنا
تركي ضحك: الا وين شوق
ليكون راحت لبيتهم
محمد: يالا انا استئذن
ام فهد: لا هذي هي شوق
تركي يحاول يناظرمن ورا عماته
بعدن عماته عنها ودخلت شوق بينهم
تركي ضحك ومد يده بصوب شوق
شوق تحاول تدخل بين خالتها
وتناظر تركي ومدت يدها ودمعتها على خدها
تركي: يبتسم شلونج شوق
شوق تحاول تمسح دمعتها بكمها من تحت الغطوه: الحمدالله
تركي: تبجين
شوق:.......
الحريم لاهيات بالسوالف

تركي : شوق سامحيني انا خنتج بليلة عرسج رحت وخليتج وانتي قاعده بدون معرس والبنات يناظرنج
شوق: موبيدك ياتركي هذا امر الله بس ابيك توعدني تقوم بالسلامه
تركي بستغراب: الحين ليه انتي متغطيه
شوق نزلت راسها
تركي: شفيج ياشوق
شوق تدمع عيونها: مابيك تشوف وجهن مات بفراقك
تركي: كلج حلى بس ارفعي الغطا علشان ادري انج مرتي وعلى ذمتي
شوق ترفع غطاها عيونها ذبلانه
تركي: مشالله الى الحين تهبلين
شوق: تسلم بس تركي من سوا فيك كل هذا
تركي: والله مدري حققت معي الشرطه وعلمتهم مواصفات الرجال
شوق: عيال عمي لهم علاقه بالموضوع
تركي: يقولون اعترف عبدالرحمن بس مبارك رافض
شوق: حسبي الله عليهم

دخل محمد
تغطت شوق وراحت من الجهه الثانيه من صوب الدريشه
محمد: يالا عاد لاتدلع قوم تعبنا وحنا رايحين رادين
ام تركي: شوي شوي على الولد
الجده: لا انشالله بيقوم ويروح معنا
تركي يبتسم: والله ياجده ودي اطلع الليوم قبل بكره
ام خالد: وش قال الدكتور عن حالته
محمد: يقول مافيه الا العافيه
شوق تطالع فيه من بعيد وهو يسولف وايدينه مغذيات الشرشف نصف صدره وهو يسولف مع عماته وابتسامه خفيفه لهم

شوق: الله كاتب علي الشقى
محمد:يالا انتهت الزياره
اركبو السياره وكلهم اطلعو
تركي يطالع فيهم وهم طالعين: شوق
شوق تلتفت عليه: هلا
تركي:تعالي شوي
شوق قربت
تركي: امانه ياشوق لاتطيعين عيال عمج لو اطلبوج ورفعو قضايا لاتلتفتين لهم وديري بالج على روحج
شوق: لاتهتم انا محد يقدر يدوسلي على طرف
تركي: شوق شفتي غرفتنا
شوق: تهبل مثلك
تركي: كنت اتمنى انا اللي افتحها لج وادخلج فيها والله ياشوق اني لعوضك عرسج فرح واقلب كل الحزن
شوق: بس اوعدني تساعد الدكاتره وتطلع بسلامه
تركي: وعد
شوق وهي طالعه: مع السلامه يااحلي تركي
تركي: مع السلامه شوق شوق شوفي الهديه اللي على التواليت
شوق: انشالله


محمد: والله يقول الدكتور يبيله ابرة طحال لكريات الدم
يعيش فيها طول العمر
الجده: صج الله يستر هو ياخذها بالمستشفى اوبالبيت
محمد : والله مدري
بس شوق خل تشد حيلها
ام فهد بقلبها: الله يعينج يابنتي توج صغيره وكل هذا عليج

رجعو البيت
البنات مسويات قهوه لجدتهم
قعدو تقهوو مع الجد
ويسولفون عن تركي وانه بيطلع بعد اسبوع
سالم بشقته
منيره: متى نسوي تمايم تركي
سالم: ماسويها لين يطلع تركي ونسوي عشاء لتركي وتميمه مع بعض يعني ٣ذبايح
منيره: انشالله
سالم يقرب من منيره: انا حبيتج اكثر
من يوم جبتي تركي
منيره بحيا: يعني ماكنت تحبني كثير
سالم: و أحد يقدر يكره احلى بنت في العالم



مر اسبوع
شوق فرحانه حيل بخرت الغرفه وتزينت تبي تستقبل تركي
اهل البيت يرتبون وينضفون
احمد: هلا والله اسفرت وانورت
هلا هلا نور البيت
الجده: تفضل لبيتك
ام تركي واقفه تضحك من بعيد
شوق اركضت دخلت غرفتها
دخل تركي على كرسي لأنه مايقدر يمشي لين تبرى العمليه
اللي منصدم من الكرسي واللي يضحك واللي يهلي في رجوعه واللي يسلم عليه

محمد شاف وجه امه تغير بصوت عالي: ترا تركي يمشي بس مؤقت الكرسي لين تبرا العمليه لاحد يخاف
وشوق ماسمعت كانت بغرفتها

تركي قعد شوي بصاله تقهوى قاعدين عنده عمامه وعماته وجدته وجده وامه وابوه واخوانه وسالم وعيال عماته وعمامه
اخذو نص ساعه يسولفون

تركي: الا وين شوق
ام فهد: بغرفتها ماتقدر تطلع وعيال خوالها قاعدين
تركي يحاول يمشي بالكرسي بصوب غرفته
ام فهد: فهد ياولدي ساعد ولد خالك ودخله لغرفته

شوق كاشخه وقاعده على الكنب
طق الباب
خافت شوق
فتحت
ابتسامه من تركي
ضحكه ماليه وجه شوق: هلا تو نورت الغرفه
تركي: منوره بوجودك
فهد يتنحنح: نحن هنا
تركي وشوق يناظرون بفهد
فهد: يمه اكلوني بعيونهم
يالا ابطلع

طلع فهد
شوق حبت راس تركي: الحمدالله على السلامه
يمه تركي ليه بكرسي
تركي: مؤقت لين تبرا العمليه
ابتم ملازم السرير
شوق: ليا متى
تركي: والله مدري بس يقولون بعد شهور
شوق: ودواك
تركي: الدواء والضمادات عند امي تسويهن لي
شوق: لا انا زوجتك
تركي: مابي اتعبج معاي وانتي صغيره وعروس حرام خليني ادلعج
شوق: تعبك راحه
تركي نزل راسه:الحين المفروض ادش عليج بالبشت مو بالكرسي
شوق ترفع راسه: لا تنزل راسك ياتركي وانا ابساعدك لين تبرا
تركي: والله ياشوق اني لعوضك كل شي
واذا قمت بالسلامه راح اخذج لسنة عسل بعيد عن الكون
شوق تضحك: سنة عسل مره وحده
تركي يضحك: اذا بغيتي قرن عسل بعد اسويها
قعدو يسولفون ساعه
شوق: ماتبي ترتاح
تركي: لا ابجابلج لين تملين
شوق: اذا كذا مراح ترتاح لأني مامليت
تركي يضحك
تركي: شوق نادي العيال يساعدوني على ركوب السرير
شوق: لا انا ابساعدك
تركي :والله ماتقدرين ياشوق

شوق طلعت شافت البنات بصاله
ورده: احلى ياشوق منو قدج
منيره: هاه شوق ليه تأخرتو ساعه كامله بالغرفه
شوق تضحك: ارتاحو مافيه شي استغفر الله ياربي

شوق: بس وين سلوم
منيره: ليه تقولين سلوم هذا سالم ابوتركي بعدين وش تبين برجلي
شوق تضحك: ابيه بغرفتي
منيره تضحك:شوقوه وجع

شوق دقت باب الدوانيه
طلع محمد
شوق : ناد سالم وتعال يبيكم تركي
محمد: ليه فيه شي
شوق: لا يبيكم تساعدونه

دخلو العيال
طلعن البنات فوق لحجرة قماشه
دخلو وركبو تركي السرير
سالم يضحك: يارجال اعرف اركب السرير بروحك مو كل شوي تنادينا والله تصير فضايح
تركي: اقول اطلع برا انت وخويك
محمد: افاااا تطردنا
سالم: خلونا نطلع الحين هو مو بوعيه
تركي يضحك بصوت عالي : الله ياخذكم انتم ونياتكم انا الحين وش خلااني اناديكم
برااااااااا
سالم ومحمد طلعو يضحكون بصوت عالي

شوق دخلت: ضحكنا معاك
تركي: هالخبول الأثنين قاعدين ينكتون عندي
اشوي ابخلي محمد يوديني المستشفى
شوق: ليه تحس بشي
تركي: لاعلشان الأبره وانتي تجين معاي علشان تعلمين مو كل ساعه اروح للمستشفى علشان أبره
شوق: أبشر ياغلاتي

راحو المستشفى وتعلمت شوق على الأبره

رجعو وتركي راح لدوانيه علشان ربعه بيتحمدوله على السلامه

مر٣شهور وتركي كل شهر يتحسن وبدا يمشي تركي
تركي: الحين اقدر امشي
الدكتور: أيه نعم
تركي فرحان : يافرحة قلبج ياشوق
محد يدري خلوني ادخل عليهم فجأه
تركي دق على محمد وقال لاتجي لأن احمد بيجيبه


شوق عند الحريم قاعده تسولف مع منيره وخالتها ام نوره وقماشه(لاتنسون قماشه متزوجه)
الحريم يسولفون
رهف قعدت بين شوق وقماشه قماشه تلتفت: نعم
منيره: يوه من هالجهال ازعجونا فيه برد في الثلاجه روحي اخذيه
رهف: مالت عليكم انتم وسوالفكم
منيره بصوت عالي: ورده روحي لراشد
ورده تغمزلها: قصري صوتك
{على العلم راشد خطب ورده}
ومنيره تحب تحرجها


سالم : هيه ياحريم تغطن ويامنيره ترا معي عيال
حصه: مايفكر بخواته بس منيره ومنيره
منيره: الحره ماكله قلبج
حصه: اوريج يامنيره
منيره: هيه تغطن الزين كله بيدخل
رهف: حتى انتي تغطي
منيره: يوه شفيهن حمواتي شبن علي
رهف تضحك
منيره بينها وبين البنات: بنات وين هديل لايكون رايحه منا ولا منا يالمراهقات
امسكوها لاتروح لمحمد
{محمد ملك عليها}
رهف: حسبالها مثلج قبل
منيره تغمزلها وتعض بشفايفها: اسكتي احسن منج علي مادرى عنج
شوق: منيره تذكرين ايام المراهقه
ويضحكون

سالم: فيه حركه غير طبيعيه بالزاويه من يوم دخلت وماحد عطاني وجه
كلن يطالع بمنيره
منيره استحت اخذت ولدها من جدتها وحطته بحضنها
رهف: استحت ماتدري وش تسوي اخذت تركي
والبنات يضحكون بصوت عالي
والعيال عيونهم تلاقط على الزاويه
سالم: المهم بيدخل عليكم واحد الله العالم تعرفونه ولا لا
الحريم: من هو؟ من هو؟
سالم: ماعندهن صبر
ادخل يالمفاجئه
تركي دخل يضحك ويناظر في شوق
الحريم شهقن: مشالله!! مشالله!!
شوق وقفت تناظر فيه وتضحك وماتدري وش تسوي
دخلت المطبخ وقعدت تبجي من الوناسه
منيره الحقتها بالمطبخ: المفروض تستانسين
شوق: انا ابجي من الوناسه من زمااااان ماشفت تركي يمشي
منيره: الحين امسحي دموعج و امشي نطلع

طلعو وقعدو عندهم
سالم: اهم شي بكره عندي حفله صغيره لمناسبتين
الجده: وش هالمناسبتين
سالم: وحده لخوي تركي ووحده لولدي تركي
تركي يبتسم: تسلم
وابحجز استراحه يعني جهزو بكره حالكم
الجده انشالله
يدق التلفون بالمجلس
رهف : هديل امانه ردي
هديل: اي الأكبر انتي والا انا
رهف: تكفين قبل يروح علي ابقعد عندهم شوي محمد مو معهم من تقعدين عنده

هديل قامت: آلو
......: منومعاي
هديل: انت اللي داق
.......: هذا مو بيت ابوتركي
هديل: ايه نعم وش بغيت ياخوي
.......: عطيني امي ولاوحده من خواتي
هديل شهقت محمد
محمد سمع اسمه: آلو
هديل بحيا: الو
محمد: انتي شوق
هديل: لا لحظه

لحظات
قماشه: آلو
محمد: قماشه من رد علي
قماشه: هديل
هديل كانت قاعده عند قماشه يوم سمعت اسمها
اصقعت قماشه: ليه تقولين اسمي
قماشه: عادي محمد تعودين عليه بعدين
محمد يضحك: شفيكم
قماشه: مافينا شي بس انت وش تبي
محمد: ابسئل عن تركي وصل ولا لا
قماشه: الا جابه احمد
محمد: اشوااا يالا مع السلامه
سكرت قماشه السماعه


بكره حفلتك ياتركي
يعني لازم منيره وشوق يكونون احلى الحفله
لأن الكل بيطالعهم
ولد منيره
وزوج شوق{ المحسوب عليها زوج وهوماقربها كأنها ممرضه عنده بس هو مو كيفه}


وشوق قاعده بغرفتها مستحيه انفتح الباب الاهوتركي
خافت شوق
تركي يغني: الليوم يومك ياتركي
شوق تحاول انها ماتعطي الأمر اي اهتمام
تركي يتنحنح: دخل المعرس
شوق: اي معرس الله يخليك صارلنا ٣شهور
تركي: واللي صارله ٣شهور مايبي مرته
شوق تحاول تغير الموضوع
تركي يقرب من عندها لاتحاولين تهربين لأن حنا بين ٤جدران
شوق طالعت فيه واستسلمت
تركي يقرب منها ........ ......................

بعد ساعتين دق الباب عليهم
شوق : تركي تركي
تركي: نعم
شوق: يبونك برا
تركي دق عليهم بالصاله : نعم بغيتو شي
محمد: لا خلاص كمل نومك
تركي: هذيلا يلعبون

تركي قعد يطالع بشوق: جهزي نفسك ياشوق بعد بكره بنسافر
شوق: انت توك تعبان
تركي: اي تعبان وانا مشالله مثل الحصان
خليها مستوره يابنت الحلال
شوق : كيفك
تركي: اهم شي جهزي نفسك لسفر


الحريم يجهزون الأغراض علشان ينقلونها للأستراحه
ويتلبسون ويتمكيجون
منيره تلبس بعد ماخلصت مكياجها وتنادي اميره تلبس ولدها
شوق تزين
ورده تدق الباب على شوق: شوق افتحي
شوق تضحك : عندي تركي
ورده اجمدت
شوق افتحت الباب: امزح ادخلي
ورده: شوق عندج ماشات
شوق عطتها
وقعدن يسولفن

اميره: منيره خلصتي اخذي ولدج
منيره: طلعيه لجدتي ماني فاضيه
اميره طلعت بعد ماحطتلها منيره مكياج

حصه ورهف وهديل بالغرفه يتعدلن ويعطون اخوانهن ملابسهم

الجده تبخر وتلبس ذهبها
ام نوره: مشالله وش هالزين كله يام محمد كاشخه امي
ام فهد: اذكري الله
ام منيره: اميره عجلي اختج خل تخلص بنروح الأستراحه
سالم بيودينا



طفت انوار البيت
كلهم راحو للأستراحه
كل مجموعه جابت قهوه وشاي وحلا
هذا غير الحضور

سالم: وليد ناد منيره بسرعه

وليد: منيره يبيج سالم
منيره: وينه
وليد: عند الباب الكبير
منيره تمشي بصوب الباب
وتطالع بسالم
سالم طالع فيها وانخش
منيره: ياسلام تناديني وتنخش
سالم بإستغراب: هذا انتي تصدقين ماعرفتج ياويلي يامنيره تهبلين
منيره: اخلص علي وش تبي
سالم: تصدقين ضيعت
منيره: اجل ابروح واذا تذكرت نادني
سالم: منيره صح وين العود
منيره: يوه صح بشنطتي
لحظه
منيره عطت وليد العود يوديه


الحضور كان كثير اقرباهم وجماعتهم
عند الرياجيل والحريم
الحريم يطالعن بمنيره
يسألن وين مرت تركي!!؟
الجده تأشر: هذيك

جاء العشاء
تعشو وخلصو قل الحضور
عند الرياجيل
بس شباب يسولفون
خوي سالم دق عليه ماشافه من سنه: افاا ماتعزمنا
سالم: من معاي
.....: معاك سلطان يالقاطع
سالم: وينك والله من يوم سافرت ماندري عنك
تعال عندنا بالأستراحه مستانسين وقعدة شباب
سلطان: وين مكانها
سالم علمه مكان الأستراحه

الحريم قاعدات يسولفون وانهم تعبو تعب بهالحفله

عند الرياجيل
دخل عليهم رجال بصوت عالي: ابذبح تركي وينه
محمد وقف وركض عنده ومسكه: انت ماتبت
تركي لاهي يسولف
بعدين انتبه
كل الشباب قامو امسكوه: والله انسلمك لشرطه
الرجال: اتروكوني
محمد: موعلى كيفك نترك يبي يذبح اخوي ونسكت دق ياسالم على الشرطه
تركي منصدم: لحظه لحظه شنو تبي
الرجال: انت تركي
تركي: أيه نعم فيه شي
الرجال قرب من عند تركي: هدوني
تركي: هدوه
محمد: وين نهده والله بيذبحك
تركي: لاتخاف علي
الرجال يمشي من صوب تركي: انا ابدمر حياتك
تركي بعصبيه: شنو تدمر حياتي مو على كيفك البنت ماتبيكم غصب وانت بتم هنا لين يجون الشرطه
قفلو البيبان
سالم ماتمالك نفسه وانفجر من الضحك: وش رايكم بالمقلب هذا خويي سلطان اتركو الرجال
محمد متفشل: بايخ مقلبك
تركي منصدم : الله يفضحك آسفين
لهدرجه انا غالي
سلطان: بغيتو تذبحوني
وسلمو عليه وضيفوه

جا الخبر للحريم
قعدن يضحكن وان سالم مايخلي طبايعه وراعي مقالب

علي: اركبو
ورده: ماتلاحظون من يوم عرفنا علي وهو اركبو اركبو
منيره: وراشد
ورده: انتي تعالي وش تبين براشد كل ساعه والثانيه راشدوراشد
منيره: لأنه يزعجنا في البيت بس يسولف عنج
ورده: اقول اسكتي
منيره: تذكرين ورده يوم حنا بغرفة جدتي تقولين وافقي على سالم علشان نصيرحموات
ورده تضحك: وش ذكرها عليج
منيره: كذا طرت علي
شوق: على العلم بكره انا وتركي بنسافر
ام تركي: وهو موتعبان
شوق: والله قلتله ياعمه هو رافض
ام تركي : الله يهديه
الجده: يالا شيلو اغراضكم بنمشي


راح تركي وشوق لشهر العسل صحيح عوضها عن كل شي هي فقدته او فترة الحزن اللي قضته اللي المفروض ماتذوقه اي عروس
شوق مستانسه بشهرالعسل الذي قضته مع احلى تركي اللي تعلقت فيه اكثرواكثر
ارجعوا تركي وشوق


مرت اسابيع على جيت تركي
قرر الجد انهم يروحون لعمارتهم الكبيره اللي كلهم قطو فيها في الباحه ويقعدون هناك اسابيع وكل واحد له شقه

جو ربع سالم من الأمارت للباحه يبون يقنصون مع سالم لصمان
سالم عند الحريم: انا ابقنص انا وربعي واللي بيخاوينا حياه الله
الجده بضحك: اذا ماعندكم مانع اخذوني معكم
منيره بنضرة عتب: وانا معكم
سالم يبتسم: لااااا
انا اقصد الرياجيل
انتي لو بغيتي تروحين ركبتج على ضهري بس أشري يابعد عمري
منيره استحت من عمامها
الجد: ومن بيروح معك من العيال
سالم: كل عيال خوالي
الجد: الله يستر عليكم توقعو ولاتسرعون
سالم: منت رايح معنا ياجد
الجد: اناوش ابي بطلعة الشباب
وهم لاهين بالسوالف
شوق تلتفت على تركي: بتروح معهم ياتركي
تركي: وانا اول مره اروح
شوق: ايه اول مره تروح تقنص وانت معي
تركي: قصدج.......
شوق: والله خايفه عليك

سالم: خالتي ام فهد وام خالد
ورعانكم بيروحون معنا
ام فهد: والله ازعل ولدي مو ورع رجال
تركي: هيه ياسالم لاتسب النسيب
ام خالد: وانا محد مدافع عن ولدي
سالم يضحك: عاد ازعلن خالاتي هو عندي غيركم خالات
ام نوره: وانا مو خالتك
سالم: هوهو علينا
خلاص ابطلع
منيره تنهد: سااااااالم
سالم: عيوووونه
منيره بزعل : متى بتمشون
سالم : بكره الفجر
منيره تناظر فيه بعيون عتب
سالم يناظر فيها ويبتسم
بعدالعشاء
محمد: نامو بدري لاتفضحونا بالأماراتيين يقومون بدري
سالم: انتو جهزتو العزبه
احمد: وش عليكم اناوالخدامات في المطبخ نرتب الأغراض وانتو قاعدين
تركي يضحك: خلاص سالم يشيل الأغراض من الحين بالسياره
سالم: وليه عاد انا..!!
الا صح وين علي وراشد
تركي: تلقاهم يدوجون
سالم: اخاف يأخرونا بكره
محمد دق عليهم يجون

تركي: تصبحون على خير
سالم: يالا حتى انا ابقوم انام
محمد يضحك: يالا روحو ودعو حريمكم
تركي وقف يناظر محمد
سالم: حرام اللي مايذوق طعم الوناسه
تركي وسالم طالعين
محمد بصوت عالي: اقول اي وناسه هم ونكد
محد رد او عطاه وجه
محمد قعد بروحه يفكر
وراح ينام

دخلوا علي وراشد
شافوا محمد نايم
علي يضحك خلنا نلعب عليه شوي
راشد جاب كلينكس ويحط في اذاني محمد وعلي ميت من الضحك
علي يحط في خشم محمد
ومحمد يتحرك
قعد محمد يطالع فيهم: شنو قاعدين تسوون انتو ووجيهكم
راشد: مو قاعدين نسوي شي هذي ذبانه تحوم عليك
علي يضحك: نام نام
محمد وهويغطي وجهه: والله موصاحين المهم سالم يقول نامو علشان بكره الطلعه
راشد يضحك: طلعه ولافسحه هههههه
علي:هاهاهاها ههه هاه هاه
راشد: شوي شوي لاتموت
علي:......
راشد: ابروح اجيب لي فراش
علي: ارتاح محد في الصاله
راشد: تو دقت علي هديل تقول جيبو معكم ببسي علشان سهرتهم
محمد فز قلبه: منو هديل وينها تكفى ياراشد نظره انا اللي ابدخل عليهن تكفى يابوماجد نخيتك
علي: يالرخمه ياراشد يشوف اختك اقول نام احسن لك
محمد: عليوي انت مالك شغل هذي مرتي وملك عليها وماعمري شفتها
راشد بغرور: شفيكم ميتين على خواتي اكيد مزيونات يشبهوني
علي: لوسمحت يامحمد جب لنا فرشنا وببسي للبنات من المحطه
محمد مستانس: ابشرررررر
راشد: محمد شكلك قايم من النوم موحلو
علي: خله يروح الحين البنات ينحاشن
راشد يضحك
محمد هو طلع: ادعولي

محمدتعدل عند المنظره اللي بجنب الباب
يسمع ضحك وسوالف البنات
عن العيال طبعآ
فتح الباب
سكتو البنات
أميره: ورااااااك
دخل محمد ويطالع في البنات بنت بنت{ والله بايعه يابوجاسم}
كلهن عرفهن الا بنت بزاويه وجهها وجه القمر وعيونها كبار وشعرها طويل فاكته وحاطته على كتفها وكانت مبتسمه يوم دخل
محمد يطالع بهديل
البنات صاحن وكل وحده حطت شيلتها على وجهها
قماشه منصدمه: هيه وين داش
محمد : يوه آسف
وطلع وطق الباب
قماشه: توك تدق الباب
محمد:ماشفتكم
قماشه: اي ماشفتنا وانت واقف عندنا نص ساعه
محمديضحك: تكفين ياقماشه وحده منهم شلعت قلبي شلع
آه آه ملاك منزل
المسي قلبي يدق دق موصاحي
قماشه: حرام عليك وهديل مرتك
محمد: انا ماعرف هديل اعرف وحده بالزاويه شعرهاطويل ابتسامتها ترد الروح
قماشه:عليك نور هذي هديل
محمد: اجل ياويلي ويلااااه متى عرسي بس
قماشه: يالا روح شكلك ماراح تنام
محمد :جيبها لي
قماشه:استغفرالله موصاحي
محمد راح وطول الوقت يفكر
علي: هيه انت ليه ماجبت فرشنا
محمد:....
راشد: هذي مايرد علينا اوريك يامحمد
طلعوا علي وراشد
دقوا الباب على البنات
ورده :منو!!؟
راشد يتنهد: آه ياقلبي
علي: ورده عطينا فرش لي انا وراشد
ورده: ابشرياقلبي
علي: انطمي معي رجال
ورده: رهف رهف رياجيلنا يبون فرش
قماشه: استحي ياورده وش هالكلام
ورده: يوه ياقماشه ياحبج للفلسفه
رهف اخذت فراش وعطرته من عطرها الخاص
ورده بعد عطرت الفراش
هديل: هذا الحب والا بلاش
قماشه: انتي قربتي تصيرين مرجوجه مثلهن
هديل:ليت يحصلي مثلهن
قماشه: حصل
محمد تو يقول منو الملاك اللي شعرهاطويل
هديل فزت: امانه وباست قماشه وراحت تفكر فيه
علي وراشد اخذو الفرش وتعاكسو فيهن
فرشو فرشهم وتسدحو
علي يتلحف: ريحة ورده بفراشي
راشد: حتى انا ريحة عطر رهف
وقعدو يضحكون وتبادلو الفرش
البنات بالحوش
دخل كائن يكرهنه البنات صرصور<زهيوي>
والبنات تصايحون ولجه والكائن يطير
سالم مندمج بالسوالف مع منيره
سالم: وش هالصوت
منيره: هذيلا البنات يتدلعن
سالم ابروح اشوف شسالفه
فتح الباب سالم
والبنات انحاشن
سالم: فيكم شي
حصه: لا بس زهيوي
سالم: استغفرالله نامن نامن جدي بينام ازعجتنه وانتن عند درايشنا تصايحن
حصه: ان شالله
حصه وقماشه راحو ينامون
سالم دش الغرفه
منيره: ماقولك خبال بنات
سالم: اي والله خبال
منيره: سالم بكره بتروح وتخلي ولدك
سالم يبتسم: ولدي والا انتي
منيره بزعل: كلنا
سالم: بس اقعد اسبوع وارد
منيره: وانا اهون عليك
سالم: وانا مخليج بروحج انتي مع اهلج
منيره: بس انت ماعودتني نفترق دايم مع بعض من يوم تزوجنا
تذكر يوم خيمنا وحنا ورا الضلع تقول ان شالله بعدالزواج مانفترق ابد
سالم يبتسم: اعوذ بالله من جاب طاري الفراق هذا مايسمى فراق بس اسبوع واجي وتقولين فراق
منيره نزلت راسها
سالم: والله اذا بتزعلين علشان هالروحه ماراح اروح
منيره: لا روح ياسالم مابي احرمك هوايه انت تحبها
سالم يرفع راسها: طيب ابتسمي
منيره ابتسمت مع دمع يجري فوق خديها
سالم وهو يفتح الكبت: ويلوموني فيج يوم اموت فيج
منيره: ساااااالم
سالم: عيونه
منيره: أ.......أ.......أحبك
سالم يضحك

تركي وشوق
شوق نايمه: تركي نمت!!
تركي: لا وانتي ليه الى الحين مانمتي!!؟
شوق: افكر فيك
تركي قعدوشغل الأباجوره:
تفكرين فيني ليه
شوق: اخاف عليك اذا طلعتو من يعطيك الأبره واخاف تنساها
تركي: انا لاتخافين علي ان شاالله ماأنساها
شوق: امانه ياتركي حافظ على روحك من لي غيرك والله اذا صار فيك شي اموت معاك يكفي خليتني شهر اعاني الوحده بروحي
تركي يبتسم: والله ياشوق انا دايم اطلع وهاه قدامج مافيني غيرالعافيه
شوق: انا اقصد من يوم سويت العمليه ماطلعت يكفي مرتين نسيت الأبره والسبب نسيانك ونسياني وبغيت تروح فيها
تركي: توكلي على الله يابنت الحلال
شوق بخوف: ونعم بالله
تركي: حتى انا مدري شلون اروح واترك احلى قمر في الديره
شوق تضحك: احلى قمر!!
تركي: أيه وفي احلى من القمر؟
شوق: أيه فيه احلى انت ياقلبي
تركي: انا اموت امووووت
شوق: يمه بسم الله عليك
تركي يبتسم: اموووت بحبج
شوق نزلت راسها
دق تلفون تركي
تركي: آلو
سالم: قصرو حسكم ماخليتونا ننام
تركي: اي حس وحنا بينا وبين غرفتكم١٠غرف
سالم يضحك: الى الحين مانمت وبكره ورانا طلعه
تركي: وش هالأسئله اللي ورا بعض
سالم: رد على قد السؤال
تركي يضحك: طيب ليه انت مانمت الى الحين وانت تقول نامو نامو
سالم: عيا يجيني نوم قلت خلني اللعب على تركي شوي
تركي: خلصت مكالمه.. ابنام يابن الحلال
سالم: هاه تبي تسوي سهره وداعيه
تركي: وليه انت سويت سهرتك وخلصت
سالم يضحك
تركي: يالا يالا ماورانا غير انت باااااي

شوق : تركي عطني تلفونك شوي
تركي عطاها وانسدح
شوق اخذت التلفون تدقدق فيه
ناموا الجميع
البنات بالحوش فارشين فرشه وقاعدين يسولفون جايبات حلا وقهوه
أميره امشو نلعب سباق
البنات يالا
حوشهم طويل من عندباب الحريم الين باب الدوانيه
ورده واميره ورهف وهديل وزهره الحكم
زهره تعد: ١......٢.....٣
بدو البنات يركضون
أميره بصوت عالي: فوووووز
فزت فزت
ورده: غش رهف امسكتني
اميره :ماعلي منكم

عند دريشة الدوانيه
سمعو العيال اللجه
علي: راشد تسمع
راشد وهو واقف:أيه اسمع
محمدقام
علي: وش تبي انت روح نام احسن لك
محمد: قاعد على قلبك
راشد: اسكتو خلونا نطالع الدريشه
وكلهم يطالعون ويضحكون
والبنات لجه وواقفين يتناجرون
علي: منيره تلعب معهم
راشد: وين منيره
علي: هذيك اللي لابسه بيج باأحمر
راشد : مالت عليك هذي اميره تشبه اختها
محمد يضحك: راشد شف خواتك تهاوشن والله لو الود ودي اذبح رهف
علي : انا لو الود ودي اذبح هديل
راشد: ياعمري ياورده مسالمه شف الضحكه بس فديتها
محمد يتنهد: أخخ ياقلبي بس
والبنات مايدرون يضحكون
رهف: شوفو عندي راي
اميره: شنو
رهف: نعيد اللعبه
محمد: يعني قالت رآي هي ووجها
علي: مرتي عادله
اميره: لا لا انا الفايزه يعني انا الفايز
ورده امسكت اميره وقعدت ترجاها
راشد: ياحضج يااميره
محمد: انا ابطلع بالشارع
علي: لا الحين ينحاشن وحنا بنطالع ماصدقنا احد جا
راشد: لاتروح يامحمد
وشوي وحده جت تمشي من بعيد
علي يتمصخر: يمه من هذي تخرع
راشد يضحك: تقول وحش مو بنت
محمد: وينها وينها وخرو عني خلوني اشوف
محمد يطالع وشافها وصقعهم
راشد ميت من الضحك: هذي اخت محمد نوير
علي: هه هاه ههه هه هاي
محمد: احترمو نفسكم
راشد: خلاص حرام عليكم اذا كبرت تطلع حلوه ههاهاي هه
محمد: يعني بتراضيني انت وجهك
نويرتمشي من بعيد ووقفت عند البنات: وش تسون هنا
اميره: اقول روحي نامي ياجاهل
نوير: شنو جاهل اناوياج كبر بعض بس انا مااحب العب معكم احب اقرا روايات
علي: شتبي هذي ياليتها تروح
نوير: منتو كفو العب معكم
ورده: يالا روحي بس
محمد: علي واخته على اختي ياخذ هالأشكال
هديل تدافع عن نوير: شنو لا نوير تعالي
وجت نوير بجنب هديل ومسكتها هديل وقفت معها
محمد: فديت هالمسكه ياويلي ياليتني بدال نوير
ورده: مو حب بنوير ماسكتها حب بأخو نوير
هديل: اصلآ انا احب نوير وحبتها
نوير: ياعمري ياهديل
محمد: ياحضج يانوير
راشد: دايم كذا هديل رحومه وتحب الخير
علي: اجل ياحض محمد
أميره : يالا بنات خلونا نروح من الجهه الثانيه نتسابق
البنات يركضون راحو من باب الحريم علشان يتسابقون
البنات راحو
محمد: فرصتنا خلونا اذا جو جايات نوقف بوجيهم
علي: خوش فكره اول مره محمد يقول فكره حلوه
راشد: يالا يالا قبل يجون
وقفو العيال ينتضرون
البنات يركضون وقربو يصلون للباب طلعو الثلاثه يمشون يسون نفسهم مايدرون
البنات مع بعض اشهقن
يووووه شنو هذا
العيال يطالعون ويضحكون
البنات ارجعن يركضن من الفشله
محمد بصوت عاااالي: هديل فازت
هديل: انا فزت
اميره: لا انا
هديل: محمد حكم علي ان انا الفايزه بس محمد خوش حكم
ورده: لحظه هم وش دراهم ان انتسابق
رهف: يمه اكيد يتسمعون
محمد ينادي: نوير نوير
نوير: خير
محمد: جيبيلي ماي وهاج بوسه
نوير تضحك: شفيكم الليوم

نوير راحت: بنات تصدقون محمد عطاني بوسه
هديل: اي خد
نوير: اليمين
هديل تضحك: تعالي احبج ياحبيبتي
نوير منصدمه

راحو نامو
آذن الفجر
ام سالم قامت: انتن الى الحين مانمتن
ورده: والله ياعمه نحتري الصلاه
ام سالم: يالا قومن صلن
ام سالم راحت لدوانيه تقوم العيال
ام تركي تسوي الريوق لهم علشان يمشون
احمد هو الوحيد نايم بدري
احمد يصفق : يالا قوموا يالا قوموا
محمد وعلي وراشد يتحركون مالهم خلق يووه تونا نايمين
احمد دق على سالم
احمد: وين اللي بيقوم بدري الرياجيل عند الباب
سالم فز: صحيح
يالا مع السلامه
احمد: هذا سالم وقعدناه
بقى تركي ثقيل النوم
احمد: آلو
تركي: ياصباح الفل والياسمين والورد
احمد منصدم:تركي انا احمد مو شوق
تركي يضحك: ادري ابقوم الحين
احمد: كلنا قمنا
تركي: يالا
الساعه٥
العيال اجتمعوا على الريوق
والبنات الى الحين سهرانات ويسولفون بالمجلس
سالم: هذلن الى الحين مانامن
الجده: هذلن ماينامن الا الظهر
تركي: اعوذبالله
سالم: البارح اهجدنا ماخلنا ننام
ام سالم تضحك: بس انتم اهجدنكم الا كلنا ماخلنا ننام
راشد : خلوهن على راحتهن
محمد وعلي يطالعون فيه ويضحكون
سالم: الا وين خالد وفهد
ام خالد: برا بالشارع مشالله عليهم قايمين بدري
سالم : احمدوه جو الرياجيل
احمد: اكذب عليك علشان تقوم
سالم: ياخذ هالوجه
دق التلفون
نايف: سالم خلصتوا نمركم نمشي مع بعض
سالم: يالاه تعالو من الساعه٤وحنا برا
نايف يضحك: كثرمنها الساعه٤ شف مكالمات لم يرد عليها
سالم يضحك: يالا جاهزين
سكرالتلفون
سالم: يالامشينا
قامو العيال
تركي:فمان الله ودخل غرفته ياخذ له اغراض
شوق تعطيه علاجه: لاتنساه
تركي يضحك: خلاص يابنت الحلال
شوق: اذا تحبني لاتنساه
تركي: اذا كذا انسى روحي وماانساه
شوق تضحك
تركي هوطالع : فمان الله
شوق تنهد: مع السلامه
سالم وهو طالع: تبون شي
الجده تضحك:مانبي غير الضبان
سالم: ابشري ياجده
مع السلامه
سالم وهوماشي لمح باب غرفته منيره واقفه تطالع فيه
سالم يحرك إيدينه مع السلامه
ياقلب سالم
منيره تضحك

طلعوا
وهم بالشارع يسولفون ويضحكون
البنات يركضون وطلعوا فوق السطح
منيره: الحمدالله والشكر مرجوجات
أميره تركض: حنا مانكلم حريم متزوجات
وطلعوا فوق يطالعون العيال وهم يسولفون مع الأماراتيين
احمد يسولف وطالع فوق وطير عيونه
وهن نزلن روسهم الا نوير ماتدري
احمدضل يطالع في اخته
نوير طالعت فيه وانحاشت ياويلي ياويلي
حركو سياراتهم ومشوا
البنات زهقن ونامن


الحريم يسولفون
منيره وشوق يسولفون مع بعض
شوق: منيره موحلوه الدنيا بدون تركي
منيره تضحك : اثقلي ياشوق
شوق: انتي متعوده على سالم ومقناصه
منيره: اي متعوده والله اذا فقدته اموت
ام نوره: ياعيني على الغزل اللي هنا
شوق ومنيره يضحكون



في البر
نايف: يامتعب وين الشوزل
متعب: ورا مرتبة الددسن
سالم: خوش مدس
نايف: شنسوي لازم نسوي كذا بس الليوم احس مافيه طيور
متعب: لا ان شالله نلقى شي

فلاح يضحك: ابطبخلكم غدا بس اللي يقصص البصل تركي
تركي: لا انا فيني حساسيه من البصل
فلاح :تقصص يعني تقصص
تركي يضحك: خلاص خلاص
فلاح: ومحمد يقصص الطماط
علي وراشد يضحكون
تركي: بس انا وخوي نقصص
فلاح: توماسمعتو شي وراشد الثوم وعلي فلفل
سالم يضحك: وش خليت لك
فلاح: انا اشرف على الغدا
متعب: اخلصو علشان نطلع
تركي قاعد يقصص ويسولف ويضحك
فجأه دق المنبه
تركي فتح المنبه تذكير
" قلبي لاتنسى الأبره"
وقعد يضحك
نايف: ضحكنا معك
تركي: مافيه شي
تركي ينادي محمد : هاك السويج طلع الأبر بالدرج
نايف: الحين عرفت
تركي يبتسم
متعب يصورهم بكاميرة الفيديو
طلعوا العيال يقنصون ويصوبون الطيور ونصهم يجمعون الطيور بكرتون
دق تلفون تركي
سالم: حضوض اللي مانقطع تلفونه من الشبكه
فصل تلفون تركي
فلاح: والله انك راعي عين الله يكفينا شرك
دق تلفون تركي
وركب فوق تندة السياره
تركي: آلوووو
شوق:.......
تركي: هلاباللي صوته للجروح علاج
شوق تضحك: تركي حياتي شلونك
تركي: والله الحمدالله بخير انتي شلونج
شوق:تركي الصوت يقطع
المهم اخذت الأبره
تركي: أيه أيه أيه
انقطع التلفون

تركي انسدح على تندة السياره
متعب: ياعيني على العذاب اللي فوق
تركي يضحك ونزل


في البيت
الجده: بنات ترا العصر ابسير على جارتنا من تبي تروح
كلهن قالن بنروح
منيره تسولف وتاركه ولدها يمشي واخذه يوسف٢
ودزه من الدرج الولد طاح
اميره صاحت : منيره تركي
منيره والحريم يركضون بعد ماسمعوا صوت ضربة راس تركي
ام سالم اخذته وتنفخ عليه لين صحى
منيره تصيح ياويلي
الجده: صحى مافيه الا العافيه انتن ودكم تروعن
شوق طلعت من غرفتها: وش فيه تركي
ورده: مو تركيج تركي سالم
شوق: اشواااا
ورده: حرام عليج
شوق: والله طلعت مني عفويه
دخلن الحريم بعد ماكانو بالحوش
الجده: الصغار دايم يصير معهم كذا
منيره: انا اول مره اشوف صغير يزرق فمه
ام سالم: والله يامنيره انج مهمله
منيره: والله ياعمه من الليوم انا معه بس فكيته دقيقه وصار اللي صار
حصه: ياقلبي جبهته زرقاء
منيره: يارب تروح قبل يجي سالم
حصه: حتى لوجاء وشاف ولده كذا والله مايسوي لج شي
منيره: ياقلبي ياسالم ذكرتيني فيه

منيره ارسلت" وحيد وجالس بروحي وغيرك مايسليني وتلومني فيك يوم اغليك ياول همومي وتاليها"
في البر
قاعدين يتقهوون ويسولفون عن الجنون بهاليل
جت رساله لسالم
قراها على جو هادئ قمرا
وابتسم سالم
ارسل
"تمنيتك على بعدك تجي وتجلس مع ساعه ابي من وقتك الغالي دقايق تسمع اخباري عليك الشوق ياخذني ولوطيفك يخاويني"
منيره تضحك: الحمدالله والشكر على النعمه اللي انا فيها

مرت الأيام وصارت اثقل من الجبل على صدر شوق ومنيره
والبنات الرومانسيات
يقولون زهقه وملل
والعيال كل يوم وناسه
كلهم قالو لأهلم انهم يمشون لديره بكره
وذات يوم قبل يمشون لديره
الصبح قبل الفطور
قام سالم ركب سياره يدور حليب ناقه قريب من عندهم
لقاه وقعديسولف مع السوداني
دق تلفونه بعدين فصل
ركب فوق سيارته مافيه فايده
وقال لسوداني ابركب فوق وايتكم ابدور شبكه طلع فوق الوايت
يحاول يدور ابراج
الشمس حاره
داخ سالم
طراااااااااخ
السوداني يركض: وش فيه يازول
سالم طايح و ضربه في راسه قويه
السوداني شاله ودخله خيمته يغسل وجهه مافيه فايده الدم ينزف
ابتلش السوداني
التلفون طاح وصار قطعه قطعه
رحمهم الله جابلهم راعي النياق
وقف راعي النياق
السوداني: يابوسعد
وقال له كل السالفه
ابوسعد تخرع اخذه وداه المستشفى وقال لسوداني يلحقه بسيارة سالم


عند ربع سالم
فلاح: دورت بكل مكان مالقيته
تركي: وين غدا الرجال
فلاح: ان لله وان اليه راجعون
متعب: اناشايفه الصبح يقول ابروح اجيب حليب نياق
فلاح: المشكله دورت عند كل اصحاب النياق اللي حوالينا ماشافوه الاواحد قريب من عندنا مافيه لاراعي ولاسياره بس نياق
راشد: انا ابطلع فوق الضلع ادق عليه
محمد: من الليوم ادق عليه مغلق
راشد: يمكن مافيه شبكه ابدق واجي

في البيت
منيره بقلبها: ياربي شفيه سالم الى الحين مادق علي بس يدق ويسكر
ام سالم: حصه طلعي الصغار برا لأني متضايقه الليوم
حصه: ليه يمه شفيك
الأم: مافيني شي
منيره خافت صج وطول الوقت تدق على سالم مغلق
بعدين دقت على راشد
راشد:آلوووو
منيره: هلا راشد ليه سالم مغلق تلفونه
راشد: خربان جهازه
منيره: عطني سالم ابكلمه
راشد: والله طلع هوالربع
منيره: امانه ياراشد مافيه شي
راشد: أيه
منيره: باي

في البر
نايف: سرا الليل وسالم ماجاء وحنا بكره بنسرح لهلنا
تركي: اختفى هالولد
محمد: انا ابروح ادوره

في المستشفى
سالم لافين على راسه
والدكاتره خايفين انه يكون فقد الذاكره
سالم فتح عيونه
ابوسعد قاعد عند سالم طول الليوم
ابوسعد راح ينادي الدكتور
الدكتور يركض :
اخ يا اخ اسمك آيه
سالم فتح عيونه: آه ياراسي
الدكتور يحاول يعرف اسمه
أسمك أيه
سالم: هاه مدري
الدكتور يلتفت على ابوسعد: ماتخفش هذا فقدان الذاكره ساعتين بالكثير بعدين بترجع
ابوسعد: انشالله خير
ابوسعد: يا آمين روح لنياق بروحهن
آمين السوداني: ان شالله

راح السوداني
في البر كلهم ايئسو وانهم خلاص ماراح يلقون سالم
محمد يدور وينادي بالضلام شاف الخيمه اللي فاضيه الليوم الصبح فيها سوداني
محمدينادي: هيه في احد
السوداني: نعم
محمد: ماشفت الليوم الصباح رجال يدور عندك حليب
السوداني: آي هو طويل وسيارته فكسار٢٠٠٠
محمد: أيه أيه
السوداني قال السالفه لمحمد كلها وانهم انقلوه للمستشفى في الديره
محمدخاف خلاص اركب معي
السوداني: اخذ رقم ابوسعد يوصفليك المكان
محمد اخذ الرقم ومشى
وصل عند ربعه المتحطمين نفسين وانهم خلاص افقدو الأمل
محمد: لقيته لقيته
كلهم: ووويييين!!!
محمد قال لهم السالفه
نايف: يالا نشيل اغراضنا ونروح لديره
فلاح: لا اول شي نروح للمستشفى ومعنا قشنا
متعب: يالا يالا
تركي حس بوجع في بطنه سكت وركب السياره
كلهم ركبو
راشد يفكر بخوه
احمد: تركي وش فيك شكلك موطبيعي
تركي: لامافيني الاالعافيه
راحو مسرعين للمستشفى
شافو سيارة سالم واقفه
وهم يمشون
طااااااح تركي
التفتو وصاحو ونادو الممرضين
غترته وعقاله في الأرض
اشكالهم تكسرالخاطر من مصيبه في مصيبه
دخلو تركي يعالجونه
في غرفة سالم كلهم عنده
ويشكرون ابوسعد
الدكتور: لوسمحتو اسمه أيه
راشد: أسمه سالم ابوتركي
الدكتور ينادي: سالم يابو توركي
سالم فتح: نعم انا وين
الدكتور: انتا بين عايلتك
سالم قعد: آه ياراسي
الدكتور: الحمدالله على السلامه
سالم أسم أبنك أيه
سالم بستغراب: تركي
الدكتور: واسم اخوك اللي خارج معكم للبر
سالم: راشد ليه كل هالأسئله
الدكتور: علشان اطمئن عليك بس
وطلع الدكتور
راشد: الحمدالله على السلامه قل لنا شلون رحت وطحت ونقلوك المستشفى من غيرماتقول
فلاح: شوي شوي ياراشد
سالم يبتسم: الاوين تركي واخوانه
محمد واحمد دخلو: الحمدالله على السلامه
فلاح: وش قالو عن تركي
محمد: يقولون دوخه بسيطه علشانه ماأخذ الأبره
سالم: وش فيه تركي
متعب يضحك: غار منك يقلدك
يقول شمعنى سالم دخل المستشفى
نايف راح لدكتور: لوسمحت متى يطلعون
الدكتور: كل الأثنين بكره
نايف وربعه دخلو على تركي وسالم تحمدوله بالسلامه وانهم بيمشون لديرتهم بكره دواماتهم
مشو ربع سالم
كلهم عند تركي الا راشد عند اخوه
سالم: علمتو احد اني هنا
راشد: لا بس منيره شاكه دقت ٣مرات وانا اصرفها
سالم: عطني تلفونك
وقعدسالم يدق
منيره شافت الرقم تخرعت راشد ليه يدق علي الساعه١ اللهم اجعله خير
سالم: آلووو
منيره بشوق ووله: هلابغناتي وينك
سالم يضحك: والله ياحياتي مشغول
منيره: متى تجون عاد طولتو الغيبه انت تقول بتجون الليوم ليه ماجيتو
سالم: شغل شغل بكره انشالله عندكم العصر اوالمغرب
سالم حس بصداع غريب
منيره: آلو
سالم تغير صوته: هلا
منيره: شفيك سالم
سالم: لا بس راشد عندي يقول خلصتو رصيدي
منيره: يالا عمري تامر على شي
سالم: سلامتج
منيره ارسلت لجوال راشد" اوريك يالبخيل يارشود المنكد
راشد فتح الرساله وقعد يضحك: ضلمتني
سالم: ناد لي الطبيب
راح راشديناديه
الدكتور: فيك أيه
سالم: احس بصداع
الدكتور عطاه حبه صداع
سالم: دكتور اقدر اطلع اشوف صاحبي بالغرفه الثانيه
الدكتور: اطلع بس ارفق بحالك
سالم وراشد طلعو
ثوب سالم من ورا كله دم وعاصبين على راسه عصابه بيضاء
ويمشي هو وراشد
دخلو على تركي والعيال
سالم يضحك: الحمدالله على السلامه
تركي يبتسم: انا جاي ازورك طحت معك وزرتني
يضحكون
محمد: حنا بناخذ سكن بجنبكم انا والعيال
تركي: ماتشوفون شر بس لاتنامون لين العصر وتنسونا
محمد: ان شالله بس دقو علينا
طلعوا
كل واحد دخل غرفته ونامو

في البيت
البنات سهرانات ويسولفون
أميره: منيره متى يجي سالم
منيره بضيقة خلق: بكره
ورده: وش فيج يامنيره
منيره: انا ودي اخنق رجلج
ورده بحياء: ليه
منيره: نكد بيني وبين سالم
ورده: احسن
منيره: الله يعينج عليه بخيل
ورده: انتي البخيله
شوق سرحانه
رهف: وش عند الشوق متضايقه
شوق:والله مدري احس فيه شي مو طبيعي كل يوم تركي يكلمني الاهالليوم
قماشه: ياعيني على الرومنسيات منيره وشوق اجتمعوا
شوق تبتسم
هديل: والله مدلعينكم رياجيلكم يعني كل يوم يدقون عليكم
منيره: يمه بسم الله علينا
شوق: نشوف محمد بكره ياحماتي
هديل تضحك
منيره وهي تدخل غرفتها: رتبو البيت علشان بكره
رهف: ابشري
أميره: ابنفض البيت نفض
منيره وقفت عندباب غرفتها:أميره علميني من تنطرين من اللي رأحو البر
أميره: مالج خص
منيره: ياخوفي لاتخربين يااميره خربوج اللي معاج
اميره: وشوو لاتغلطين على خوياتي قومن يابنات هجوم على منيره وغرفتها اللي فيها كنز
البنات قامن يركضن
ومنيره تحاول تدف الباب
وفتحن الباب بكل قوه
منيره بصوت خفيف: تركي نايم اطلعو برا
اميره: تركي ولاسالم معلينا منهم
ورهف ماسكه منيره
هديل واميره وورده فتحو ثلاجتها وياخذون ويحطون في كيس من أرو اولكر وجالكسي وباونتي وهوبي وسنكرس
منيره تحاول تدفع رهف: ياخبلات هذا انا ماليه الثلاجه لي انا وسالم اذا جا
اميره: ماعلينا منكم
تركي قام يبجي
رهف هدت منيره: يالافوق السطح
ويركضون
منيره عصبت انهم اقتحمو غرفتها
شوق واقفه تضحك ضحكه بريئه
شوق حست بصداع ودوران فضيع وطاحت: آآآه
قماشه شالتها: شوق شوق
شوق:.......
منيره تقوم شوق
قماشه راحت تركض تنادي ام فهد
ام فهد: ياويلي بنتي وش فيها
ام فهد راحت تركض لبوفهد يوديهم المستشفى
في المستشفى
الدكتور يفحص على شوق وطلع: هذي بنتكم حساسه حيل طاحت لأن فيها ضيقه بصدرها ماتقدر تطلعه لحد
ابوفهد: تقدر تطلع
الدكتور: يبيلها شوية فحوصات وتحاليل
ابوفهد: على خير
ام فهد: رح انت وأنا ابرافق عندها لين تطلع وادق عليك
ابوفهد طلع
ام فهد ملازمه سرير بنتها اللي طول الليل تون
<سبحان الله صج القلوب عند بعض تركي وشوق طايحين بالمستشفى>
في الصباح
الدكتور: خلصنا كل الفحوصات والتحاليل واستنتجنا انها.......
ام فهد: وش فيها بنتي
شوق خايفه
الدكتور: ان بنتكم حامل
ام فهد تضحك: صج
شوق بقلبها: يافرحة قلبك ياتركي

في المستشفى عند سالم وتركي خلصو كل اجراءاتهم للخروج
طلعوا
ركبو سياراتهم ومشو الله يستر عليكم

في البيت
الجده: الحمدالله على السلامه يابنتي ياشوق
شوق: الله يسلمج
الجده: تعالي اقعدي اكلي لج شي
شوق: لابس مابي ابي ارتاح
دخلت شوق وانسدحت
جا سلمان: جده جده جو العيال
الجده: حياهم الله
دخلو كلهم مغبرين ثيابهم بدال مهي بيض صارت كلها غبار
ويسلمون على الجده وخالاتهم وعماتهم ومنيره قاعده معهم
العيال يسولفون ويضحكون
دخل تركي لاف راسه مثل الأمارتيين شكله يرد الروح مع انه طالع للبر: السلام
ويسلم
منيره بقلبها وين سالم
لحظات
سالم دخل
الحريم لاهيات
منيره شافت راس سالم وثوبه كله دم شهقت بصوت عالي: يمه شفيك
كلهم التفتو لسالم بعدين طالعو بمنيره
راشد يضحك: مافيه شي الحين تبجي
سالم يبتسم: انا ذبحتلي ضب
منيره من الصدمه تبجي ودخلت غرفتها
سالم سلم على جدته والحريم ودخل على منيره

تركي يسولف بعدين انتبه: الا وين شوق
الجده: توها جت من المستشفى تعبانه ودخلت غرفتها
تركي وقف: افااااا تعبانه وش فيها
احمد يضحك: يمكن من الفراق
تركي يطالع في احمد
ودخل غرفته

محمد: كل واحد انحاش لغرفته انا اقولج ياجده اشفيه سالم
علي: حرمه بس ينقل الهروج
راشد يضحك
محمد: وهذي هروج هذي علوم
راشد: علوم ولا رياضيات
محمد : انت ماسك علي مسكه
وقعد يخنق راشد
راشد يضحك هدني ماعودها
الجده: انتم تبون تعلموني والا اقوم
علي: جده اقوم والا اقعد
الجده اخذت العصا
علي زحف
محمد: خبول هذيلا محششين
ام نوره: هذي الفايده لا جاين من البر المفروض مالكم خلق
احمد دخل معه كرتون: هذا كرتونج ياجده كله طيور
راشد: جده ولاجد
علي ميت من الضحك
احمد يخزهم: الحمدالله وشكر
الجده: الله يجزاكم خير ياعيالي
احمد: بس خلي البنات ينتفن الريش ونادوني اسوي لكم احلى كبسه
علي: لا البنات ماينتفون الريش
احمد: وليه ان شالله
علي: انت المتبرع سو كل شي


في غرفة سالم
سالم: والله مافيني الا العافيه شوفيني حي قدامج
منيره تبجي: انت وش فيك
سالم: طيحه خفيقه ولزقت راسي وجيت
منيره:.......
سالم: والحين رضيتي
منيره: كان الشوق ياخذني لك يوم شفتك انصدمت
سالم: يعني الحين مو مشتاقه
منيره تبتسم: موعلى كيفي مااشتاق
سالم قعد بجنب منيره يغني: ذبحني الشوق بغيابك وجيتك طرالي شي ماعمره طرالي .......
وحضن منيره بين كتوفه العريضه اللي لقت منيره فيه كل الحنان

في غرفة تركي
دخل تركي وشغل الليت
شوق قعدت والتفتت: تركي
تركي: عيون تركي وش فيج ياقلبي يقولون تعبانه
شوق:متى جيت
تركي: تونا جينا الاانتي وش فيج
شوق بزعل: منك ياتركي
تركي: انا افاااا ليش
شوق: انت كل يوم تدق علي الا امس وجتني دوخه وطحت
تركي: بس علشاني مادقيت هذا انا بجنبك هاه رديتلج الروح
شوق: رديتلي الروح والعافيه بعد
تركي يبتسم ويناظرها
شوق تناظر لوكه الجديد: شكلك يهبل كذا
تركي: ابسويه دايم علشانج
شوق تضحك: ماقالتلك جدتي شي
تركي: لا بس قالت شوق تعبانه
شوق: ولا امي
تركي: لا فيه شي
شوق:...أنا.... حامل
تركي وقف وشهق: وشووو ونقز على سرير وقرب من عندها شوق صج هالكلام
شوق تضحك :أيه صج
تركي يقرب من عند شوق: انتي عمري وكل حياتي ياشوق
وياخذها ويحطها على صدره
شوق حضنت تركي

البنات قامو المغرب يتزينن ويتكشخن
فرحه مابعدها فرحه




مرت ٥ سنوات
:::::::::::: النهايه :::::::::::::



سالم ومنيره جمعهم الحب
< انتبه لعيالك يابوتركي لايصيرون مثلك رومنسي والله يروحون فيها>


تركي وشوق جمعهم الشقى والعذاب في البدايه لكن النهايه الحب
<تركي وشوق جاهم ولدين ابوسالم وام سالم واتمنى عيال محمد ياتركي مايصيرون متحجرين واذا يبون بناتك عطهم هذيلا عيال اخوك>

محمد وهديل زواج مبكروبعد حب مبكرو سيده زواج بس كلهم يحبون بعض

راشد وورده تزوجو عن حب اخذو بعض الرومنسيين

علي ورهف في بداية طريق انشالله ياعلي تاخذ رهف

<مبتدئين>
أحمد يحب اميره واميره تحب فهد وفهد يحب بنت عمه
الله يعينك يافهد ماراح تاخذها
عبدالعزيز يحب فجر وفجر ماتدري عنه
نوير تحب صالح اخو خالد وصالح يحب امنه
وامنه تحب خالد

هذيلا المبتدئين قصتهم معقده وشكلهم ماراح ياخذون بعض
الله يعين اهلكم
"انتهت"

::::::::::::::::::::::::::::::::::::::
هذي قصتي واتمنى انها تكون اعجبتكم
:::::::::::::::::::::::::::::::::::::::

المصدر: منتديات عروس الكويت - من قسم: منتدى القصص والروايات