من , اللي , اخرى , صار , فينا , ولا , ضحيه


ولا ادري من اللي صار فينا ضحيه


مساء الورد
القصيده حلوه واعجبتني وحبيت انقلها لكم

الشاعرمجهول


قلت الوداع وجاوبت دمعت العين


تجرح بساتين الخدود النديه


وغضت وشفت بعينها الحزن حزنين


وصاحت على الفرقا انا مو قويه


وجاوبتها ارجوك تكفين تكفين


والله دمعك يشعل النار فيه


وقالت تعاهدني عهد المحبين


والله يخون اللي يخون خويه


قلت ابشري واللي خلقك لا تضنين


حرام ما غيرك عشقت ادميه


وقصت شعرها وقلت انا وش تسوين


قالت ابي من غرتي لك هديه


ونادتني الغربه على الهم والبين


واحسب الايام روحه وجيه


وفي كل ليله ترتسم بين رمشين


خيالها بين الرموش الشقيه


غربة سنه في ذمتي غربة سنين


متى على الله يلتقي الحي حيه


خلاص هانت ما بقى غير يومين


خلاص قفت غربتي الجرهديه


ورجعت وشوقي في خفوقي براكين


ورجعت وانا كلي لها جاذبيه


وسألت ما ردو وانا اصيح هي وين


وكلا نثر من داخل العين ميه


وفي اشد حزني تلقيت رمحين


قالو توفت غافلتها المنيه


وفي سكراتها ما قالت غير حرفين


تشهدت باسمك شفاة البنيه


وتزاحمت من داخلي الف سكين


والحزن يطويني ثمانين طيه


صدمه وجابتني على الارض نصفين


وشلون راحت دون ذنب وخطيه


تكفون دلوني على القبر الحين


ترى ما فيني على الصبر مقدريه


وقفت اطالع قبرها بين نصبين


وجلست اضم اغلى النصايب عليه


واصيح وش بك يا غلاي ما تردين


اشتقت همس شفاك النرجسيه


وش فيك رديت من السفر ما تهلين


ماهي بلك عاده ولا انتي رديه


وحاولت في لحظه اجرح الدين


وازيح تربت قبرها بأيديه


وبالغصب شالوني ويقولون مسكين


واصارخ بينهم واقول والله حيييييه


وقفت وتاهت بي كل العناوين


والحزن يلعب داخلي سااامريه


ورجعت لااشقا اللي قبل عامين


ولا ادري من اللي صار فينا ضحيه


اسف على الحزن اللي فيها